《我阿爹想旅行》- 係人都會老所以如果想開心為甚麼需要等

 

黃綺琳黃鐦合導的《我阿爹想旅行》（Good Trip），睇得出又係「老電影」。

主角張家輝鍾雪瑩，如果你追開為睇鍾說，愈睇你愈覺大把似曾相識：拍戲血淚，家人絕症，最尾又係中左收埋一大筆，睇到你忍唔住爆 - 《金多寶》來既喂。當然你會窒關鍾說咩事，係都問黃做乜咁快翻炒又同一人，重要戲內父女交談提起賀歲片慌死觀眾唔知。可能黃和翁子光有種默契，就係這套說張逝後留給女兒想像力，《超風》也論想像力令你自由。只係你現在卻似把鍾說定死- 親人離別又係歎愛得太遲，得著橫財又只有感概。

你或把視線轉至張家輝，畢竟其先係由頭帶到尾，幾由他講的對白都似出其手筆。戲裡的他常念舊時，其實他真係所念的係佢九十年代尾二千年初的舊時，搵蒙嘉慧似追憶《流氓師表》，想做返係會彈「邊有學校唔俾食煙」或「我俾碌蕉你含」的渣渣輝。但對比當年，就已係少份無厘頭，畢意星爺都會老，而他在戲內更擺明係老。

雖說無厘頭不在對白卻係套戲，似興至所致就去澳門，跟手就去日本，無視份工有冇錢至這樣那樣規矩。話會如此背景係張自知得返兩個禮拜命，真人生苦短故要及時行樂 - 大家都知「我俾碌蕉你含」定《我阿爹想旅行》係惡搞黎明《眼睛想旅行》，以前只覺如果想開心為甚麼需要等只係年少輕狂，老了才醒吾講甚麼都要及時就只淪紙上談兵，還不如真及時做了才無憾。

你問羅啟銳是否這樣想唔知道，至少他女友就似係這樣想法，畢竟她係叫過人拍咗先算剪咗先算上咗先算。