《浪花男女》- 落過量味精的狗肉

 

見馮志強出品都預計到問題會係那些，只係到《浪花男女》(Wakesurf Lovers) 問題仲嚴重一點。

電影表面主講衝浪，卻似過半講一個化名太平洋白鮓王的攝影iger阿川（魏浚笙飾）因見自己影相幾冇人睇，轉移去落井下石被無故抺黑的衝浪教練孫漫（楊偲泳飾），卻又良心發現而去搵孫贖罪，最後發現自己攝影時，幾唯一的粉絲就係孫。

馮掛羊頭賣狗肉都唔係第一次，只係他諷刺時下網絡生態為博眼球失去理性，佢自己卻又表現得誘張化，直落係你嫌狗肉唔夠香仲要落大量化學味精，順理成章戲裡的網民KOL表現嘴臉都令人生尷尬癌。

你或記起這狗肉實似陳凱歌的《搜索》，都講媒體偏差事實殺人，且兩套都有離地情況，陳係誤會媒體主導炮製話題，馮係以為如有KOL直播自殺，網民皆黑心都只顧冷嘲熱諷，只有川出聲勸她唔好死唔使理人點諗。現實係有人出聲想離開世界，百分之九十九香港人都會朴出勸止，馮其實都係抺黑香港人抺到叫人齒冷。

你或幫馮辯他最終想表達流量都係過眼雲煙，目光只係一時故還不如只做自己。正如川最後開竅粉絲唔使多只需得真心的孫一個，只係既然如此為何他唔重拾相機幫孫拍一張？馮其實掛的羊頭多，卻似連自己想賣那種狗肉都搞唔清楚，這又係馮志強又一個一直無改的問題。