本年度電影界奇蹟非《牛來》（Niu Lai）莫屬，就係早前對《哪吒2》嗤之以鼻的香港台灣人，都忍唔住翻出回鄉證台胞證，就為求過河過對岸的戲院一睹這套極品。
只這国人就係玻璃心，有人老羞成怒質問為何這套粗製濫造的竟會取得龍標上畫，這問題其實比電影更可笑：一係小學生都知龍標係睇你政治正唔正確而唔會考量質量正唔正常，二係若真係質量都係考量標準，那為何十多年前「天機」出世時你竟唔攞出來講？
若同「天機」去比，都係叫得上粗製濫造，但那只在劇本導技上，其他場景演員堪稱華麗，卻就係一個暴發戶在一舊屎上鍍金令人有點憤慨；《牛來》可照搬Youtuber超粒方評《The room》的一段：這是一套純真的電影，信雨萌孫麗芳兩母子不止做錯一個選擇，他們亦唔止做錯百分之五十的選擇，他們每一個選擇都是錯的，但在他們眼中都是對的，如片內場景動物形態的描繪不在講，就係牛竟可如關禮傑咁跳躍，係外星人看地球視角才描繪得出。有人說這套係用來洗錢似含血噴人，因為如此純真的內容，早唔係孫健君之流寫得出來。
當然陰謀論多的你也可講這其實又係一場陰謀：叫你以為這次能摑《哪吒2》一巴，卻就係騙到你付上真金白銀支持中国電影。你若要小弟出手「劇透」去破解這陰謀：這是牛來的成長故事，牛來在大遷徙時除了伴隨母親還結識了幼豹豹拉作好友，遷徙途中要與三隻似史賓格犬的動物周璇，最後醒覺這只係一場夢。
但就算小弟劇透依家重要有盜錄流出，相信仍會有人絡繹不絕進入戲院，如像睇《The room》擲匙羹美式足球，結伴睇《牛來》為求併出牛字，就係為進行一場儀式。若你到最後還問我到底值唔值得付錢入戲院，作為大銀幕忠實支持的小弟，我答反正《牛來》都來了。
沒有留言:
張貼留言