《廚師發辦》- 話認真你咪又係講下

 

黃浩然拍鍾宏傑的《廚師發辦》（The Dating Menu），見梁雍婷同張紋嘉又見交友App，你都會未睇先窒咁快翻炒《緣路山旮旯》。

或者對比以前分別的是唔再一開頭就賣我好撚鍾意香港，黃或覺得既然你哋都嫌我只當香港係羊頭，所以今次索性就講個純飲食男女故事，香港嘢偶來點綴下但唔顯得係主幹。

男主角換作盧鎮業扮「廚巴」林克，諗到作用廚藝去試搵返中學雞時玩2000Fun識的Zelda。就算唔再岑珈其的毒撚，都係抱著純情夢經驗少少男。你就納悶黃始終保守，沒種如《不倫食堂》咁食完正餐繼續食，梁或就知上次已浪費一段時間才撇甩沒種毒撚，所以今次索性食完飯就block鳩埋。

黃或會懶係嘢咁解：好歹一個廚師梗係乜都有要求就唔係埋身就食落口，所以見張紋嘉單親媽就下意識想立馬就走，張似提佢租酒店就直男咁話自己車中泊開。有趣係講下當年才知一個2000Fun另一個AK Zone，到林意亂情迷時張按住他：「你預備好作下個爸爸咩？ 」林才知訂走人，張叫兩個女出來食埋林留下的雪糕 - 她醒起就旨在呃餐飯，畢竟到師奶骨子還是個MK，只係雖想順帶搵人接盤但還有些良心發現。

到彭秀慧的少癲喪老人妻，林或已諗走夾唔唞，只係或紳士或來都來了勉為其難煮了一餐，彭食著又感觸而起，彼此訴說自己的伴侶撇低自己去英國，點解去英國又係《緣》咁「嗰年你知咩事啦......」隱瞞到叫你自己諗與我無關，同話題卻彼此知都係兩世界，又係食完散席沒下文。

其實林克還真係Heymandi裡的「搵認真」，他還是重遇到當年2000Fun上現楊偲泳扮的Zelda，到似認定關係時，楊覺林似吊兒郎當嚷都係唔好咁快咬定，林憤怒覺楊play 9佢，楊解她已經唔係當年十三歲會淩晨三點嗌肚餓想有人煮牛肉麵俾佢食就好的細路女：就係問你搵認真但到頭來你還真係認真得起，唔止伴侶，也就係香港，你話你認真好撚鐘意香港，但唔好講話死守呢度到最後，就而家你重有幾何再講呢句？

結果最後林克遠走台灣，並重遇block鳩佢的梁雍婷，彼此忘記介蒂言談甚歡：就係嚷你認真唔起還不如放過自己，無論女人定香港，至怕都係認真唔起又唔肯當講下的你。