《我未許願先吹蠟燭》- 患不老症的柯震東

 

周鉅宏胡錦筵的《我未許願先吹蠟燭》(I Blew Out the Candles Before Making a Wish)，開頭就有趣：精靈眼細路女梅靜妍有點像李心潔，接著就柯震東走入來 - 拿回陳大璞《鱷魚》併去看，會感覺像《奇幻逆緣》。

只係逆齡的由男轉做女，柯卻似《殺人犯》譚真一咁患不老症，無論外貌定心智都無成長過。只係處境已唔係無乜無物無背負，而係背著家庭前妻兩大山，卻又要戇居居懶好人。

其實男人理應知道，尤其被女人當好人並唔算好事，奈何柯就係戇居所以就當，於是收數都衰心軟不成、寬容租客卻又到頭來被其嫌棄、其大佬會窒他沒本事還充好人、前妻或對他有點留戀，但「理性」知這男人要不得 - 巧合這又如徐欣羨講對澳門的情感，尤其梅棒喝她：「點解妳醉左仲識話返來呢度？因為妳當呢度係妳屋企嘛！」

雖《我未許願先吹蠟燭》的確係個冒險成長故事，只係俗套地叫你得知逢賭必輸，世間還有人情。只係成長的似乎只細路女，得知接受現實唔好靠運，但還是要抱有盼望只因今日輸明日就會贏。柯震東卻似沒怎長大：《鱷魚》時他還識兇狠一些，這套他最後還是傻更更。