《別離無恙》- 放低的勸法

 

睇三木孝浩的《別離無恙》 (Until we meet again)，若旨在睇濱邊美波，其實無咩好論，唯唔想顯得膚淺就扮下嘢講一講。 

要對當然係瀧田洋二郎的《禮儀師之奏鳴曲》：老練的山崎努換成木納的目黑蓮，戇直的本木雅弘換做稍為活潑的美波。亦都係師父與徒弟、美波求職失意誤打誤撞入行，碰碰撞撞最終都係繼續做呢行，且最後都係服侍自己親人。 

 

且若《禮》係偏現實主義，《別》就係偏浪漫主義：本木面前就係冷冰不再多言的屍首，美波卻就看到鬼魂，知道不止服侍現世存在的人，亦要招呼鬼魂了卻其心願讓他們上路；美波似還給人當係中學生，蓮要上門拜託其父母同意，換作本木，山崎只要開高人工給佢就得；美波其實遠比本木幸福，縱使工作辛苦，但沒人睇唔起她，唔係本木起初連妻子也白眼。 

 

話雖又唔係《破．地獄》咁強調生人都有好多地獄，但同樣都話在世的人需超渡，或精準點講係叫放下：片裡四個逝去的，無論孕婦、小女孩、母親定祖母，都想在世家人放下執念，放過她們也是放過自己。你問蓮有否相信美波真見到鬼魂，其實他或一直沒相信，只係難得找到一個借口：就係她想你好好活下去，從而勸服到你去放低。 

 

或總好過被你窒不知痛，有時浪漫主義未必唔實際呢。