《寂靜的朋友》- 銀杏普拉斯

 

伊迪高安怡迪 (Enyedi Ildikó) 的《寂靜的朋友》（Stille Freundin） ，賣點話請來梁朝偉，其實還有兩主角Luna Wedler同Enzo Brumm，三人分三時段故事。而貫穿他們的金線，係馬爾堡大學及在內一棵銀杏樹。 

若銀杏才是真正主角，這套實似《大佛普拉斯》 - 銀杏睇落如像大佛無能佛用：你插儀器偵測我身，我就算唔喜歡也無從抗拒，雖有旁人不喜你作為而干預，但這正如大佛係靠人敲動而唔係自己出聲。亦因如此，故妳的女權與父權博弈、左翼浪潮、情竇初開、疫情等大事小事，我作為一碌木就只呆著旁觀。 

 

縱使有人會發現樹有靈性：有人直接用來對比研究嬰兒腦電波、有人用天竺葵開門間接得知、有人不如意時藉心靈感應而知。但銀杏始終遠比大佛收斂，或者大樹自知若如《吃人滴滴仔》（Otesánek）般如何下場，我就一碌木唔引任何人注意才能立足百幾年，誰說我沒大智慧。 

 

或最有意思係梁朝偉：或他得知樹也有神經時，他或覺悟 - 我當年在吳哥窟講的秘密，原來你係聽到。