發現近年卡士蘭任達華去演賣本土既戲都係搞唔掂，《燈火闌珊》如是，這次《紅豆》(Little Red Sweet) 亦是。你話正如這套導演叫鄒穎關佢咩事？只因兩套缺點也巧合如是。
或者咁岩係導演都係持這種態度：《燈》數算小伙周漢寧做事俹簁，《紅》也指魏浚笙終日困喺房打機正廢青。你指鄒已叫公允：任咪又係個睇唔起女兒而自討苦吃的老土大男人。問題係人物咁設就咁，於是魏就係廢、任就老土、鄧麗欣默默忍受到爆煲 - 搞到好不耐煩。你賣本土唔係就要賣埋俾外頭世界睇咩？就係香港觀眾也不解呢頭家點解咁樣樣，又怎和老外說好這故事？你話如潮州男人就咁不必多解，但要記著大家睇卡士蘭係八九十年代睇起，那時他又點會咁老土。
你話《破．地獄》咪又係咁玩 - 點會咁多著墨家庭而冇理主題殯儀。但你主題係紅豆沙嘛，卻只後部擺五分鐘詳講一次點煲，其餘八十幾分鐘，那一碗紅豆沙像擺出來的道具，具體點影響戲裡就一家各人看唔出。或一開頭鄒沒明確故事主題：究竟真係《紅豆》還是掛紅豆去賣一家人，坐這望那搞到兩不像。
用五分鐘煲紅豆沙，也爆出問題所在：煲唔夠時間未必關鍵，重點的是你以為只有紅豆就夠，卻沒落陳皮糖和鹽 - 既然寫家庭，還不如著墨寫清楚三代。你用個你以為大家都知邊駛講咁多之態寫故，咪就係一碗冇落足落岩料的紅豆沙，一睇就知唔好食。
沒有留言:
張貼留言