《淺淺歲月》- 港女含辛浪漫

 

蕭冠豪的《淺淺歲月》 (True Love, for Once in my Life)，或係睇左故事大綱而入場你都唔明佢搞邊科，除非你留意到帶頭編劇係呂筱華。

 

你還以為係似《溏心風暴》那種肥皂劇狗血式故事，故此開頭不久就覺不對勁：對白係傾向家常而唔係喧嘩做作，整體你係覺寂靜，縱使對比《天水圍的日與夜》，這次呂係明顯駛多口水出去。

 

鏡頭話使用iphone，其實出來畫面更似駭入某家庭或某車廂內的cam，更似窺探一現實家庭的內在。所以大綱寫青梅竹馬，但沒話成年後一定王子公主，因此故事開頭已係夫妻分居後，丈夫點解包二奶搞散頭家等沒講清楚，或因覺這是現實常態，亦同時唔用掩飾辯駁。

 

表面主角係麒振（謝君豪飾）靜芬（葉童飾）兩夫妻，事實芬才似主幹，振只係陪襯：當然因係取於謝淑芬自身往事，這也就是一個港女故事，重點係後部振病重芬在側照料，你以為只傳統中国賢妻才咁捱義氣，只係《不再讓你孤單》亦述港女係就會這樣。或知你睇唔慣芬含辛茹苦為乜，所以劇情沒啥狗血 - 振肯定簽字離婚時對芬說子女和樓都歸你，叫扮下好人換少點批判，也是告之你現實就咁。

 

開頭行現實，後部慢慢轉到電車上食雪條浪漫風。你為芬做賢妻含辛忍辱很不值，但要知道這確是她自己選擇，另邊她或陶醉對丈夫的痴情。問題係給局外人見你把含辛還是含乜竟扯上浪漫，實只覺得你係痴線。難怪那個男同行，又再大罵此套簡直不知所謂了。