《陽子之旅》- 樹洞的成長

 

菊地凜子是誰？回憶一下，原來她在陳英雄版《挪威的森林》裡飾演直子。 

  

所以你或會話陽子還不如叫直子，反正都係I人。話雖熊切和嘉會詢問I人的構成，似傾向後天之答案：陽子自說童年叫喊得大聲都會被父親毆打，長大後又時不時遭到客人毫不客氣的指責，加上足不出戶也能解決生活所需 - 卻就此反射出直子係沒當I人的條件：六十年代有甚麼能自閉家中的工作？ 

  

《陽子之旅》(Yoko) 也就唔係另一套「青春18」，沿途沒有甚麼風景，頂多就係沒啥車到的休息站、三一一後遭圍封的村莊、逃離時租酒店後流連的沙灘等。真要看的風景係人，就係陽子沿途所遇到的順風車司機或和她一同流連在休息站的背包客。若如《#小心陷阱》以一個廢井去勾起個人表露惡念，陽子或I人也像個樹洞，沿途的見她唔聲唔聲就覺都唔會周圍唱，於是心底鬱結惡念還是慾望都毫不客氣爆出。雖然這世間I人唔止你一個，最後你遇著另一個I人，你也把他當了樹洞。 

 

《陽子之旅》係個成長故事，敦促陽子成長係其遭遇連帶身邊的人。所以唔覺大力數算他人 - 畢竟我沒有大愛的義務；也不是訓斥自己 - 做I人你自己選擇，但既然唔想開口那就照顧好自己，下次出街記住帶多兩個錢旁身。