老老柒柒，既然係溫碧霞自己故事，還不如佢自己執導。但佢自以為演而優卻又知未必導而佳，於是假手徐欣羨，這又難為了她。
《我們的十八歲》 (Lonely Eighteen) 本來就有先天問題：自high，這不同於《梅艷芳》- 那是為個升上神壇的永遠偶像立傳；但溫碧霞？唔好意思她還健在，最重要係她有甚麼作品會令人知佢係邊個一定唔夠膽寸佢？多提的都係廿年前《封神榜》，於是觀眾見佢出場佔全戲三分一，就毫不客氣寸：你肯定唔係十八啦，咁係咪應企返開D等套戲唔好離題呢？
就覺得徐係有志寫八十年代女性光影，一看點係選狄龍做老豆 –《英雄本色》放下身段講無做大佬好耐的豪哥，係大男人主義滑落象徵，話雖本來父權也是沒啥根基：俾面佢才念他係國民黨軍旅長，說穿根本係匿藏一角敗兵走卒。女兒童年只係毫無對抗本事，年長點後就會哭著拿錢擲回怒罵你就一無是處何好意思耍尊嚴。
要論女人在男權世界脫穎而出，關鍵還不在溫碧霞，反在李麗珍：《蜜桃成熟時》確係迷到眾男芳心，現實李係實踐了李昂《北港香爐人人插》裡問：「女人為何不可用身體向男人奪權？」但電影裡似壓抑此問題：李羨英
(楊偲泳飾) 被迫著除衫演粉紅，事後有沒省悟還不如豁出去當仆出一條新街沒講清楚；Elaine (林千渟飾) 拍祼戲但反應欠佳，記者質疑佢只博出位，她忍著怒氣拋低句：「我就係相信導演。」離開了事。雖然叫佢當場反檯喊：「挑！有得J你地唔通唔J咩！虛偽！」又不切實際。大家都不願承認，但暗底都知男人都下半身思考，只要掌握男人下半身，也就贏得半邊天。
李麗珍就係自量：自知祼體迷到眾生已係當年事不復再，於是提都沒點提，戲份唔多，拋低句：「呢幾年我都做緊超市了事。」唯只溫碧霞係咁想當年，但你的當年又不如李的光輝，還不如都收斂下唔好衝出來__。你窒小弟咪又只好色之徒執著沒真除衫，我知叫林千渟楊偲泳實叫不動，更唔好意思搞著現在的李麗珍，至於溫碧霞也都當我沒嫌過罷。
沒有留言:
張貼留言