《黑的教育》- 你夠疊馬咪可以屌人老母唔使付代價

 

照英文名Bad Education，這實唔係柯震東還是九把刀原創，近廿年前艾慕杜華又搞了套《聖·教·慾》，只係艾氏給佢百多分鐘到最後係草草了事，九把刀《黑的教育》似醒好多，只七十七分鐘，但足給蔡凡熙宋柏緯朱軒洋三人上一課就可。

 

咁其實教了甚麼？簡單講就係一個講到口臭的道理：「你以為屌人老母唔使付代價？」係比《聖》更早的《三五成群》就講緊，今日都仲講只因人類從唔會吸取教訓，更要命係今日還有人用他只是個孩子來耍無賴，於是就三隻猴子玩True or dare，仲要以為能躲在警察後。

 

你話教的不止這樣：裝可憐係最下賤、強者或勝者才是正義、世上只一成好人一成壞人餘下八成都係沒本事等等等等。但最關鍵始終都係「代價」，唔係人人皆知只因你有條件就可奉旨唔識：《三》裡大王講這句時已係成功組建「王朝」，就係可以呢句費時講直接指揮每人對阿雞紮棍亦得。三學生蔑視學校主任，卻對黑幫不敢聲張，勢弱也就要付代價，你問要脅學生斬手指的黑道有否想過代價，他定不知你在問甚麼。

 

其實就係持強淩弱來教精你，但這正如教畜一味懲罰式，低層次沒啥好炫耀。還不如《97古惑仔4：戰無不勝》裡的陳浩南，隻身對全班三十人講：「行錯路無得返轉頭。」仲要人家只用五分鐘，遠比要用七十分鐘才教到你一個道理更有效率。