似乎大家一直睇少區焯文，聞《說笑之人》(Stand Up Story) 票房欠佳，原因似以為只頂多《一路瞳行》那種貨色。
區很會黃雀在後：以為《鴨王》曬鴨卻實論男人之苦、《毛俠》講一班救狗英雄卻又諷你逞英雄為乜？到這套表面論父子與棟篤笑，初看區作的會彈佢咁都要掛羊頭賣狗肉。
你看華哥 (袁富華) 與文少
(吳肇軒) 似兄弟或朋友多過兩仔爺，唔係「典型」卻係坂元裕二那種理想家庭。只係那是浪漫，這套卻行現實主義，那只需一設定：華係弱智，於是賣唔起父權，像個細路般直率，文都會對華唔客氣直講對住佢喺好辛苦，相對 《東京物語》執著父慈子孝反搞到無法理解造成遺憾，這套溫柔在能讓彼此知道大家都辛苦，最後華逝世，也沒有刻意悲傷，反倒像平靜地送別：「辛苦你了。」
戲裡的棟篤笑，就算文拿華事跡來講從而博得最多笑聲的笑話，實則都無咩好笑。但區不旨在叫笑，反問笑話有何用：戲裡解喜劇係把悲劇拉遠睇，文面對弱智的父親會覺係悲劇，於是過海到酒吧把它當笑話。笑話作用就係來對抗，面對遭奚落就拿對方戇料恥笑對家戇居，正如現今自知無法徒手對付，於是改以恥笑對住極權，氣得敵人老羞成怒罵你軟對抗。當然給區去解，去對抗也只係疫症或生活艱辛，就係文說的或三十年後，下一代就會把面對疫症的我們當笑料。
可能你又覺我係太高估區：最早提出用笑去對抗命運係《新世紀福音戰士》- 弱智而自卑的華或面對華及疫情而自覺辛酸的文，就如自覺除駕駛EVA外就一無所有的碇真嗣。但碇卻叫到一直目無表情的綾波麗去笑，也就係華同文也懂得去笑，於是大家都信終有一天會覺得能夠活著是一件不錯的事。
或許你問區焯文面對如此票房怎麼辦，他就當你綾波麗咁答：「只要微笑就可以了。」
沒有留言:
張貼留言