《旅館》- 自囚一地無聊至爆

 

睇左王小帥的《旅館》(The Hotel)，再上豆瓣網看其評價，短評都係一堆滿分是五卻給唔過三的狂酸，其中一酸他想扮洪尚秀卻畫虎不成反類犬。 

 

你叫我最簡單解釋下洪尚秀電影，我膚淺地答就係有金珉禧，金係作為一條金線串連起多個故事。王也找來寧元元來串起三故，你問這套最似洪尚秀那一套，我覺係《草葉咖啡館》。 

 

就算只係去搵一個女人這麼簡單，都要睇搵返來的女人是怎麼樣：《草》裡的金係個成熟旁觀者，會解析關係但都係不聲張心底話；寧卻係廿歲細路女，佢涉足每段關係都只在求好玩，若加多十至廿歲那就係件到處八卦的大媽。更重要係金三十多就三十多，寧係外貌身軀似廿歲尾，卻成日硬說自己才剛廿歲，好不尷尬。 

 

其實更兩頭唔到岸係《旅館》咪就是但国內搵一間，學《草》咁傾下男女關係。王卻要遠赴泰國清邁，以為可趁機暢所欲言，但頂多只係暗寸下你竟「相信政府」、提下泰北孤軍、盲主人想上泰少男助護最終動不了而不辭而別、所謂亂倫更係究竟有否做到都講得模糊。要命的係最後竟係下起《雷雨》，我想洪係悶，卻唔會這麼老土吧。 

 

或者王小帥本來就無意仿洪尚秀，佢只係想拍一群人自困在一旅館經歷。這令我想起《REC》、或蘇聯科學家把一批人同在一空間唔瞓十幾日，它們結果只係一味血腥但還是夠爆。《旅館》最後卻只似係上著自己老豆，爆到係一地狗血夾無聊。或者這又係王的暗喻：這三年人人為防範那場感冒，還真幹了一堆無聊至爆事。