《命案》- 人若克己，何須唐吉訶德多事？

 

鄭保瑞的《命案》 (Mad Fate)，會叫你攞返佢以前之作來對比，如《意外》。 

 

兩套都係講妄想人定勝天：人以為《意外》可以人為操控，其實真正意外就係叫你意料之外；《命案》係你以為要對抗命運，但命運就愈會嘲笑你 – 林家棟簡直就係件唐吉訶德，重要唔信自己癲，最後連楊樂文都會窒佢係痴左線。其實連自己條命都搞唔掂，卻要為他人仆心仆命，唔係就係傻的嗎？

 

「唐吉訶德」 似係近年「銀河系」喜用題材：那套沒掛銀河影像牌頭，卻係三銀河要人韋家輝陳偉斌麥天樞所編的《神探大戰》，就係一自以為天才卻周邊視其瘋子的「神探」，只係此「神探」最後竟得世間認同奉承，浪漫到唔實際；《命案》係行現實主義 - 藍色軍裝警一樓一大廈墳場天台屋等搭高清鏡頭，相對《智齒》的黑白畫面另種軍裝誇張垃圾堆，鄭今似想講這不是寓言，而係現實就是如此功利：你成功救人就會被當天才，你只預測卻救不到那個，就只被當無功的傻佬。所謂對抗命運係人類最大悲劇，就係明明唔關你事，你卻多管閒事逞英雄，但最後卻沒人應該多謝你。

 

你覺得鄭態度似消極，想喻努力無用寧可不想努力：《智齒》的王桃想贖罪卻事與願違，《命案》係林拼命想助人逢凶化吉，但最後楊避劫關鍵在他自己覺悟。積極地諗，鄭保瑞或想述彼此只係力量有限凡人而不是無限大的英雄，既然如此還不如只為自己努力。這是電影一開頭就給大家的疑團：自己殺生報應，還唔係該自己來負責？或者你會窒鄭保瑞似叫大家繞了一個大圈：若早該人性本善，就那用林家棟出來作瘋，這套也會係一個講來無謂的故事。