《正義迴廊》- 白痴雞蛋還是真天才高牆？

 

今鋪我有冇劇透，都沒啥意義。你要先知內容，就去看二零一三年周凱亮案，報道同故事主幹沒太大偏差。

 

或者，無大偏差只係表面，何爵天可以更進取：例如唐文奇 (麥沛東) 係謀殺罪脫，但佢究竟有否參與殺人，甚至佢是否真正主謀？

 

你話現實的謝臻麒係真係無罪，請搞清楚：周凱亮案與《正義迴廊》（The Sparring Partner）係兩碼子事幹 - 戲劇可建基現實之事去寫，卻完全沒義務去同現實一致。

 

咁你又講要考量合理性，唐文奇智商只八十到，係白痴，張顯宗智商百多，係天才，白痴真可以操控一個天才？戲裡提到一個弱智連環殺人犯，現實亦有宗弱智人仕開假駕駛學校呃正常人學費 - 弱智搞掂欺騙正常人唔係沒可能。只要正常人或天才都有弱點，例如俾錢假學校只因貪平 - 張有表演欲且憤世嫉俗，但時而怯懦，就係想當法庭係舞台，卻又最終沒自辯。其實有人去激勵他，佢就夠膽去馬：有幕正係唐教唆張進行殺人預演後再回大陸連環殺人，你點肯定這幕只係幻影唔係真？

 

戲裡間唔中會令你覺得唐在扮豬，如叫鄧月平此索女做唐前度，搵到唐處理過的會計文件等。戲裡人都會懷疑，葉蘊儀扮的陪審員察覺佢記警察對待他之事太詳細，林海峰扮的律師吳冠峰追擊著唐，但都只限質疑唐到底有否參與落手殺人，且唐還是被陪審團一致認定無罪。為何沒人想到唐會是真兇？一來人的自尊心，絕唔想相信會被弱勢過自己的利用操控，張顯宗如是，陪審、法官、甚外頭任何人也如是。

 

更重要係「高牆雞蛋企邊邊？」，有人話電影係仿《十二怒漢》- 那是一黑人少年被控弒父，一群陪審員爭辯後由幾肯定有罪逆轉為無罪，這是所謂高牆雞蛋之間我定企在雞蛋一方；葉都係質疑一陣，還是叫大家自己問心去判斷，所以都作無罪判定，正因每個都怯於做欺壓雞蛋的高牆。結果戲未就喻唐文奇係扮豬食老虎，電影到此實係反《十二怒漢》- 你以為雞蛋就一定正義，只係你自己懶惰、又係你真怯懦，沒去堅持尋真，於是有人乘機扮雞蛋，搞了另座竟令你擁護的高牆，叫你自把真相埋沒，這豈是真正正義？

 

高牆雞蛋唔新鮮，質疑高牆定雞蛋亦都唔係新鮮事：就係胡適提過的大膽假設小心求證，胡晚年在台灣受老蔣壓制，這還算好，若他留在大陸，肯定被批鬥至死。即使活命到今日的美麗新香港，難保也要同一眾人同坐花廳。