《深宵閃避球》- 贏返一次係一鋪清定都係逃避問題？

 

應智贇新手上路的《深宵閃避球》(Life Must Go On) 係自以為橋唔怕舊：首先所有女角由周家怡李靖筠陳海寧鍾雪瑩......都沒個亮眼不打緊，鄭伊健如白馬王子咁登場就掂 - 咪就如《假冒女團》賣Anson lo，只係宣傳片相對言之有物點而已。 

  

故事係社工周家怡拉來一舊日運動健將鄭伊健來打救李靖筠等一班「廢青」少女，即係《熱血合唱團》咁。點打救？就係《激戰》咁贏返一場就話之三百六十五個問題都一鋪清，重犀利過李X超講每日解決一個 - 陷巴爛都係老土野。但要肯定係應智贇還自知其短，故相對《假冒》咁戲到近尾先嚷要認真，《深宵》係戲都未睇就話定我係揸泥灘：鄭一開始講解甚麼是閃避球就被踢係抄維基，因此戲口水多過茶愈多尾還愈多金句，但聽得似廢話堆砌 - 就係一開始我就係唔認真，那你何需認真看待我？ 

  

除李靖筠較落多鹽醩，其幾位少女問題講得如雞毛蒜皮，但都係一開始已坦承係借「廢青」過橋：主角中的主角係鄭伊健，雖未老但始終已行年五張，遊歷各國卻未嘗工作，只因介懷當年跑極只得第二；周家怡死抱著深宵體育館，只因其係社工生涯唯一顯著成就 - 他倆都係「想當年」想到沒發達的廢中，話雖他倆都係放得低過去脫胎換骨。 

 

但返到那班「廢青」，到底比賽輸定贏？她們問題得到解決與否？結果叫開放式實際含糊埋尾。實都係喻點都好，贏返一次就可把問題拋諸腦後 - 我們仲記得怯就輸一世，卻沒想清楚應去贏D乜，於是贏到此變做逃避問題的興奮劑。今日中年醒悟，卻依然把此意識遺存後生。

 

若唔想今日潛途無限的青年，他日淪為只會想當年的廢中廢老，還不如教他們先擲走 贏左一次就可，睇清楚要擲走的問題是甚麼。仲諗住贏一次就無視所有野，我怕你第日會變做李家X。