《馬達．蓮娜》- 澳門的錯誤

 

注意到副導係徐欣羨，陳雅莉的《馬達．蓮娜》(Madalena) 有徐作影子，當然又係唔盡同。

 

場景多在澳門北區內街 - 陳對澳門似正如徐般說作很理解妳。演員雖如徐般只得香港人用，唯蓮娜 (周秀娜) 卻要強調她是潮州人，四十歲的馬達 (張繼聰) 住在澳門也只有十年 - 他倆都係過客，最後都係離開此地，只係好歹都會廣東話，沒《媽閣是座城》裡的白百何咁唔俾面。

 

若《骨妹》係俾澳門情書、《媽》係對她的「包膠」、《馬》就係首詩，卻不是情詩般熱情，反而態度冷淡：蓮娜自卑覺得馬達接受不到她過去，馬達自卑以為蓮娜又係在玩弄他 - 他們都係自覺陪襯唔起這個金光繁華的澳門，要注意他們由頭到尾都係想走 - 面前這個澳門只係件肚滿腸肥的暴發戶而唔係俊朗的王子，係唔會叫人依戀著迷，故此待不了走很正常。

 

你話一走了之是否太無情？非也，反似《幻愛》般要顧及現實：就係我租唔起鋪只能渣的士、你也不讓我打夜工賺多個錢，你根本就沒氣容納我，我也唔好意思再煩擾你，或許我來過這裡是個錯誤，即使我著起旗抱和你的南歐氣氛搭得美麗。這首詩聽起上來很耳熟，好像出於台灣詩人鄭愁予的。