《電影之神》- 舉頭三尺有電影，唯有老矣才當神

 

松竹百年賀壽作《電影之神》(IT'S A FLICKERING LIFE)，交山田洋次這保守派來搞，你本來就唔需預料有甚麼破格創新。就係所謂能奪得百萬円大獎的唔怕舊之橋：明星由銀幕踏出，香港觀眾一睇都識諗返《金雞》劉華都咁玩過，更加唔好講這其實係惡搞《午夜凶鈴》。

 

澤田研二的廢老鄉爛賭貪杯，說是當年電影夢不成才淪落至此。山田諗到卻沒種講明：夠疆就係菅田將暉時的鄉係拍成電影，卻票房失收劣評滿街，晚年翻出修復才重獲世人正評–拍電影根本係一場賭博，君不見《埃及妖后》、《現代啓示錄》、《天堂之門》等雄心壯志玩到公司破產，故你只連累兩三家人挨下窮還不算作孽太深。既然賀百年壽片，講破產太掃興，只好穿牆附會，卻就失卻道中電影會如足球般迷人，在於世人難以掌握。

 

寺新 (野田洋次郎) 相信電影裡有神明，但此神卻像《大佛普拉斯》般沒怎發過神威：就係面對世紀瘟疫已束手無策，眼巴巴看著戲院座椅丟空。有戲迷澤田家人等自掏荷包拯救戲院，寺新卻當係電影之神庇佑。其實寺新只係放映，鄉等會落手的卻沒把電影看得那麼神聖，只係其首次執導卻絞腸痧又跌落台，似神在暗裡作弄。正如《信用詐欺師JP》第四集：二世祖影迷由祟敬電影，進而膽敢憑錢染指電影，最後被嘲弄於電影 - 就係當它不外於是，才係好戲後頭。

 

其實若當電影神聖至上，澤田在內係格格不入：八十年代《盜日者》的澤田有雄心駕馭原子彈駕馭東京駕馭一切，當然你會窒那是四十年前，來到今天其已七十三，山田更是九十，松竹亦到百齡 - 老者就係不能年少氣盛，唯有謙卑過世並找神明依賴。《電影之神》就係一叫老而不合年青之片，正如《大佛》裡沒有年少者去找神明庇佑。