《一級指控》- 人人平等你認真？

 

黃國輝的《一級指控》(THE ATTORNEY)  被夾硬塵封三年，重現天日時或叫人唏噓，因見著很多早已遠去。 

  

若問法律是甚麼，電影開章明義告訴你人人平等只係漂亮話，有錢人玩義才是真義：抱著理想主義打官司完全係戇居，權勢者暗地裡盡駛橫手干擾，結果弱者都係要旁門左道再連橫合縱。相對考究詢問，獵奇花樣才大於一切。 

 

仲要駛橫手都唔係新鮮事，方中信同二世祖張建聲起衝突時，你都猜度到佢想做乜；《檢察狂人 》到 《槍狂帝國 》都少不了旁門招數，似乎縱橫天下司法，你完全乾淨去四量撥千斤而贏才算新鮮。你話這咪正好質問法律到法治為何？當然法律係要公平公正，卻只因這是文明社會，就要用法律保證人們唔需橫蠻暴力去競爭。 

 

你們卻一直誤會法律只要保護弱勢，所以電影裡不斷講高牆雞蛋，就係你幫弱者打官司，不利時就吐句問法律不外乎人情嗎？你真忘記全句為：「高牆雞蛋之間我永遠都站在雞蛋那方。」就係你駛橫手幫到弱者後，你為你的橫手自辯，自說沒從中得益  -  其實係謊話：你係得著了推倒那高牆的快感。 

 

若你擊倒高牆，自以為制裁到惡人，才赫然發覺真相另一回事，真理不在你維護的雞蛋，你還要不要真相？這到底還是你追求的人人平等？《檢》 還會問，這套係自以為是的強者倒了，主角回家溫馨就好，最該問的反而帶過不問。 

 

當然，国安大法橫空而降後，誰大誰惡誰正確才硬道理，就係有錢佬都要提心吊膽過日子，《一級指控》質問的已問來費時。或者你除了藉這套追憶廖啟智，還不知你會不會懷念埋電影裡的「法治」。若要再指電影係過氣，就係一頂綠帽的連鎖效應，只係差點摧毀一個少年一生，這破壞力真太小兒科。