《熱唱吧》- Fucking背後何嘗知

 《熱唱吧》 (Let's Sing) 真係套講夢想的戲，勞嘉濠似係有想法，可惜效果只得一半半，只因唔夠大膽。

 

當陳慧敏至周國賢陸續出場後，故事發展似只側重兩人，就似套只有兩對手舞台劇。話雖陳周兩人設定坂元裕二式關係–情愫只限友情，就更能作兩代間交流。只係坂元或係要口水多過茶卻要句句有意思，勞卻不能寫得夠多，或正如後部黃樹棠走失，周怪陳亦係怪自己時，係少說話反似更好；而其他角色係旁友卻又不甘寂寞：黃及吳海昕還有點作用，吳婉儀的老母已叫嫌老土，叫真老土的係暗戀陳又不敢直說的二世祖梁展鴻。總之每個配角唔知點解出唔夠力，叫自己可有可冇。

 

相對《熱血合唱團》 ，這套起初有優點係沒扮哂野懶正氣：陳係反叛率直少女，周係夢想已逝於是求其打份工胡混度日，兩人一拍即合只因些少利益。只係去到唱所謂粗口歌，原來只係句fucking，而不是叫得上粗口的五大字，相信觀眾們都不屑其竟又懶純情扮未聽過粗口咁扯旗。

 

Fucking一詞令人回想二零一三年林慧思事件：當時係一個老師對警方處事不公仗義執言，卻就一句What the fuck被別有用心者誣為粗鄙有負教師形象。來到這套又係個個只識執住句Fucking叫人退學又捧人上位，卻沒人問過少女為何要叫Fuck–如老人院內唱得正經沒人理會，於是唱得夠寸叫人側目，就係好歹都要望一下你。再講講粗口往往都係抒發憤怒翳悶，但戲裡的大人就係沒個真係關注年輕的不安定燥動，就係周國賢都係只以過來人來教訓你要珍惜眼前人。

 

差點忘記這套主旨係兩代夢想對談，只因係利用而唔係真問年輕夢想，當然你可話勞嘉濠只係直說此現實；亦差點沒留意到場景在澳門，卻側面流露這是連句fuck都避忌，把個三十歲活潑少女困死在內的悶局地方。只係周國賢這些沒力再追夢才倦鳥知返，這也正如《骨妹》。