《偶然與想像》- 明白我的唔駛多只要你就可

 

濱口龍介的《偶然與想像》(Wheel of Fortune and Fantasy)，早在四月電影節已上，同行晞早睇亦早發了劣評，但沒啥人和應他，小弟看過戲後亦不明其論，醒起其亦差評過《燒失樂園》，頓時明白背後之因：此君似不好現代主義。 

  

晞批評此套三個故事對白碟碟不休卻係空洞，但現代主義正是表現人際間的疏離：你會感覺《魔法》裡古川琴音和中島步間是但一邊情史係捏造；《門常開》算坦白但故事出發始終來於惡意；《再一次》係最善意，但你總會覺得河井青葉在講大話來逃避占部房子  -  氣氛滿是猜疑和不信任，也似是把一半內容交給觀眾猜度究竟「真相為何」，亦會有人嫌此手法似不負責任。

  

三個故事最終都沒理會誰真誰假，亦沒計較善惡公道，這些都似係晞所批之欠交代，又可能有人會怨到底是玩弄觀眾。但對睇開村上春樹或另有體會，一係更懂得寬恕：古川琴音和森郁月最終都係放過前度也是放過自己；二係既然人際間本來互不信任，最陌生的人反而最好交心，未必初相識而動人興奮，亦係人只因利害而猜忌，根底卻從不喜歡孤單一個。 

 

《偶然與想像》似係每個角色都把口自認卻心裡不甘孤島：就係多謝你聽到我的聲線而興奮，那就請你翻聽後自瀆一次來認同我的價值。我還真不需要更多，太多人插過來只會弄巧成拙，只要你認同我就可：就係我和你抱擁時記得那名字叫希美，那管得誰叫晞。

 

參考：偶然與想像之輪：自我淘醉、曲高傲寡之極限作