《怒火》- 忠誠勇毅塔底之火

 

誰都把《怒火》(Raging Fire)  聯想到《新警察故事》，有謝霆鋒就難怪：當年謝飾的鄭小鋒就係被成龍大哥鼓動想當差，鄭來到此套實現夢想卻轉眼理想破滅因而成魔 - 陳木勝唔係只想要單純警匪對立之故事。 

  

今年四月播放的日劇《櫻之塔》，就係講原應維護正義的警察，結果都因著權鬥和利害衝突而影響行事，主角玉木宏亦不惜踏界甚至製造案件。《怒火》之火都係起於謝為解救被綁架富豪而去嚴刑迫供疑犯，怎料令疑犯致死，高層卻紛割席而種下禍根。兩套都係腥風血雨去到最後，都在問何謂正義。 

  

無論係「櫻」還是「忠誠勇毅」，其實都係塔。但要分得細那就係前者好歹係可以向上游，後者卻很封建，層層間互相蔑視：上級出賣妄顧下屬生死當等閒，下層不甘上層事後搶功。但有挑戰到上層都已是塔外人，甄子丹等塔低層的頂多對上抱怨只係打份工何必搞到咁，怒火都係對外發放，但謝始終都曾是塔內人，所以火勢都只塔底徘徊沒蔓延向上。 

 

結局係惡人走到盡頭自盡，「正義主角」黯然離去。《櫻之塔 》最後直問正義是甚麼？這套就換作假若當日你我調轉結果會否不一樣？要注意塔頂除了一個出賣下屬的被殺外，其餘貪污的巴結權貴的卻不了了之，即上層繼續肚滿腸肥懶理下層搞到生靈塗炭。所以這套唔使再問咩係正義：因為一係勝者就係正義，二係只諗做好份工準時收工唔諗上爬就最正義 - 毫無廢話，此塔就係咁撚樣再講無謂。陳木勝最後遺下的係一聲概歎，這歎聲亦可能係港產片中最後一聲。