《除暴》 - 笑話

 

《除暴》(Caught in Time) 叫人在意唔係槍戰場面，而係吳彥祖飾的張隼常講的：「講個笑話來聽下。」

 

導演劉浩良，其首作係《衝鋒車》 - 本來就係會玩暗喻。睇慣《國產凌凌漆》的你會以為戲裡公安都懶正直就係所謂笑話，或者仲唔止。

 

劉唔似係只趁機北上掘金，據說電影原片長達三小時，似有雄心想寫部《豺狼卡洛斯》(Carlos) 。事實時間長達十年、張隼鍾誠的原型都夠劉去搞如大河小說：張隼原型為張君，維基資料講其八十年代輟學參與社會活動，那時就係一連串理想主義嘗試，卻於八九年被壓制撲滅。無能為力卻仍心生不忿之氣到處流走，片未講的十年間一萬宗持械行劫，說穿就如東漢明未地方游俠遊走作亂。但游俠就少有成大器，一例朱元璋，再例就係中共，尤其中共還會讀點歷史，故講到那時槍隨便就拿到把，卻沒人去成更大事都唔難理解。

 

張隼對比卡洛斯或赤軍，看似更沒理想，只要好勇鬥狠，卻反映當時理想磨滅，還不如坦承只憑慾望遊走。只係你只給吳彥祖搭上一個春夏，現實張君卻徘徊夠五個女人，點講都係大材小用。更覺浪費係鍾誠，其原型叫文強 - 後官拜重慶司法局長，卻被薄熙來扣上涉黑帽子。演鍾的係王千源：在《破·局》裡嚷要上郭富城後欄的變態黑警，張君的結束也是文強的結局，劉或想設你凝視深淵深淵也凝視著你。但這鍾誠卻正直到底，叫人邊看邊笑太唔老實，中共到底一窩爛泥，你豈能做到出於泥而不染？反而描述得如此單薄，最為可惜。

 

電影裡有間放港產的小戲院，張隼在內買槍順便看戲，嚷說學警察點捉賊；鍾誠入內拉槍販，又話睇戲了解賊點作案 - 劉原不甘寄人籬下地合拍，而係想場景大陸的港產。無奈受制主旋律，正如給了個手榴彈細路去玩，預期驚險卻又無疾而終。所以不斷叫嚷講笑話，卻就沒個笑點叫人笑得出，實係《除暴》是劉浩良壯志未酬，所以自覺的一大笑話。其實劉竟天真以為這理想盡滅之地竟能讓他實踐理想，這才真的好笑。