《手捲煙》 - 唔講義，唔講雷，就乘亂，破迷陣

 

陳健朗《手捲煙》(Hand Rolled Cigarette) 預告片尾講的：「唔講一，唔講三，只講二。唔講風，唔講雨，咁講咩？」叫你以為又係賣情義，但其實只係掩飾。 

  

總覺得戲裡講呢句對白時機唔太對，更其實唔需要講得咁白：係咁兄弟的 英雄本色 點都係八十年代老土野，中國人都知口講當你兄弟實則當你契弟，就係白只為老大大口泰（袁富華）拼哂命，結果咪又被泰當擋箭牌；義勇軍們從不把兄弟掛上口，即使之後互有芥蒂，但看得出情誼在心中。 

 

何況一開頭就用情義連繫關超（林家棟）和文尼（Bipin Karma）係搞笑，一開頭關叫文表哥行遠D – 佢老早就睇呢班人唔順眼，所以收成萬都要孤寒罐五香肉丁，起碼就係唔驚輸民意畫面唔好睇的坦白；文尼係古古惑惑手腳唔乾淨，但之後都識惺惺相惜，真係唔需要把義雷講出口咁低手。 

 

若唔講義，唔講雷，咁講咩？一九九六年時義勇軍們在抱怨事頭婆唔派居英權給佢地，暗喻九七後的香港已不是吾家。二零一九年，義勇軍們徘徊在重慶大廈或廟街等龍蛇混雜之地，還要時不時聽到警車響聲，但警察卻由頭到尾都沒出現過 – 這裡係不可理喻的異域，關超實沒理由歧視文尼，因大家都係沒有比誰更高尚的異鄉人。你話規矩唔係沒有 – 就係誰大誰惡誰正確，一個軍佬比幾件古惑仔吃掉，那外來人就出一把槍通吃幾件古惑，咪即係鬥獸棋。 

 

但弱者就只好坐而待斃？強如大口泰等一伙人最後卻自己打起上來，外來台灣黑幫太保食花生冷笑：「你們只會自己打自己人。」現實強如蘇聯帝國也都係內亂瓦解，何況中國人就係義雷得個講，你真認真講如Mark哥一鼓作氣都係不切實際迷陷迷霧，唯有趁其內亂自爆，逃出生天先賣雷義來浪漫。 

 

你話陳健朗就提倡乜都唔做？錢小豪飾的退役義勇軍華佬，穿上「重光小輪」制服躲在機房裡 – 就係要把所想埋藏心底靜待時機，信雷義鳩衝還不如相信滅亡來前敵人必瘋狂。我想明日若連看 《手捲煙》都沒門，就係敵人已瘋到一個點，那時能否乘亂逃出重生，還看大家能否待機破陣。