又一套一人投共累全棚，亦又係一堆未睇就叫唔駛睇的理由：其一係見電影海報，只有萬梓良笑得自然，其他人刻意死灰，就係「做戲」云云。
黃慶勳的《麥路人》(i'm
livin' it)本來就係劇情片，而唔係真擺鏡頭在老麥訪問內裡人的紀錄片，故指戲裡一堆演員在「做戲」簡直係廢話。真有意義的批評應指係「做作」- 演員舉動係只求嘩眾取寵而不顧現實，例如顧定軒想送藥包給母親卻唔好意思回家，就唯有拜託郭富城辛苦把藥包由天台吊落其窗台，觀眾實心諗佢自己靜雞雞返到家門前把東西放門口唔得咩？咪就係你唔入場一睇，又從何批評人家做作？
講真「罪魁禍首」楊千嬅又唔係真不值一顧，回想其與習總握手興奮而泣而高歌一幕，再見其於破落舞廳被擲花生又是一樂。她與郭富城的對手戲反像比喻現實，郭像窒她同邊個握手自己揀瀨野唔好喊。
講返顧定軒，開頭出場似照炒武正晴《百元之戀》，不同在往後一子會隨遇而安，顧卻憤世嫉俗一味為廢而廢，叫人看不順眼。但這又未算最難睇，要再數叫人看不下去的，就如郭搬出的甚麼日本CEO金句：「感情係付出最小卻回報最大的投資。」的確戲裡幾每個角色都遭到感情勒索，尤其係劉雅瑟扮的單親老母，每人被各自感情所累，卻又彼此在「老麥」內聚首一堂互慰，像技裕和的《小偷家族》。
電影近尾聲拍著獅子山，亦答出這戲叫人難頂之因：講左幾多次獅子山下解是一窮二白就要同舟共濟，正如講到要做雞的賣慘，卻就唔講要振作自立自強 – 郭富城的沒落才俊見廢青顧定軒，原似《大時代》的 葉天見方展博，只係城城就唔識向顧道「你要爭氣，你要發達！」只係叫佢識返屋企就得，論廢仲廢得過「有食而廢」的《擂台物語》(武正晴)。 最可悲係城城到臨死都唔敢返屋企，結果煙沒而終，其他人各自繼續生活沒怎再想起他，講到底是其挫折後卻不再振作，自甘軟弱就梗被世間活埋。
功利去睇《麥路人》係唔講發達，重要係既花票錢還不如真去老麥坐下。噢，差點唔記得老麥現在都唔俾你坐通頂。你問點解社會要趕絕弱者，還不如問下點解今時今日重要提倡「獅子山下」這自虐而不自強的痴撚線意識？
沒有留言:
張貼留言