2020年5月25日 星期一

《PTU》到《孤城淚》 - 平等暴力睇返問題,堆砌高牆後悔莫及



其實唔駛問香港拍唔拍得出《孤城淚》 (Les Misérables) (Ladj Ly) 反而杜琪峰會嘲笑你地今日罵的死黑警我早在十多年前叫任達華扮過一次俾你地睇只係你地都好意思笑我吹水誇大

《孤城淚》同PTU》係相近:警察作主角,推動電影的係他們只為自身而去解決問題,結尾係多方大混戰,最重要係警察都不等於正直 - 你話法警的濫暴濫權係今日港警的影子,杜會窒話邊使影:任達華塞白粉老屈、一把一把車落去等今天叫你們憤恨的場面,當年卻大把人睇得好爽。

你話這是當年社會大多數都真心以為警察係正義的化身,《PTU》呈現的仍似正反較勁的世界,兩邊都不盡正直,但(當時)觀眾的視角仍會「優待」警察,覺得都係「有待改善」而已;《孤》反著重國家的價值觀 - 平等法國人更早知好仔唔當差片中法警係沒穿制服識別臂帶可任意除落,很多時他們都不強調自己身份,不像港警大搖大擺,法警和黑幫老大到街頭小混混似係誰沒比誰更高尚。

PTU》結尾係警察搞掂一切問題收隊歸家,《孤》卻似問題接種而來大混戰到終依然無解法警舉著槍與手持燃燒彈的少年對峙接著就彈出雨果名言埋尾 - 彼此不相佰仲難分難解大家才會返轉頭諗點解會搞出這壇大頭佛

但你又不應恥笑杜琪峰保守反而杜係走得太前」:暴力不能解決問題但不平等的暴力才是最大問題 - 港警用壓倒勝利把一切問題都掩蓋結果今日醒覺問題才知我們係微弱不堪的雞蛋諷刺係早十多年前就有人叫提防避免堆砌那高牆今日坐著戲院沙發座大銀幕看著這套《孤城淚》我們仿以上帝視覺望著這群位處下層法國人。更諷刺係現實都有班人用如此視覺,卻係更冷酷看著我們。看著燃燒彈對手槍,突然覺得有此平等還算是一種幸福。

沒有留言:

張貼留言