《作家的謊言：筆忠誘罪》 - 沒拼盡去鬥男女都不爽

話係第三次把向西村上春樹搬上銀幕，《作家的謊言：筆忠誘罪》 (Deception Of The Novelist) 卻係愈睇愈有微言。

本來二B評級，仲要係孫立基執導，就唔應該期望過高：孫本來就嘩眾取寵開，上次《3D肉蒲團之極樂寶鑑》，所謂人體爆炸嚇撚死人，其實都係假血腥；今次也是濫用驚嚇聲效，最後最兇殘時畫面都係避重就輕。即使小弟不大興趣這類，但到通街男人都感興趣的床戲你也沒有拼勁，我只要返如《一路向西》的畫面，但你就連兩點都拿不出來讓我看。

但故事似就係繼承《一路向西》：張建聲 (徐哲) 唔使講，何佩瑜 (琦琦) 上次做緊乜？就係做向張索每月二千蚊但就係對波係假的北妹小魚，今次就係結左婚生左仔就懶做家務連過兩條街買套都懶的人妻，在張眼中都係自以為有個西就大撚哂。

《作家》係畫面唔合格，但主題夠清晰的粉紅電影 - 浮出水面的男女鬥爭，贏者起碼有金錢利益。兼且向西一向都站在男人那方：上次已為港男申張其鬱結 - 北上尋歡假情也受係應得理解。今次更係男人就算二世祖，好歹還有本事 (寫作) ，女人唔係大食懶，就係用身體勒索男人。雖則你話徐哲扮好老公花言巧語氹女讀者歡心，都係詐騙返女人，沒比誰更高尚。但徐哲本來已擁幾億遺產，即是話作家一職只用來買花戴，難怪講「筆忠誘罪」總感到喉唔到肺。卻又係幫徐哲開脫 - 一切之起因，都係女人貪圖男人的錢。

整場鬥爭，女人被數入五球慘敗，男人極其量只失一球 (斷腳) 做大贏家：用何佩瑜似早就寫定此結局 - 過氣o靚模早就不算上菜，仲唔收心養性不知好歹，講到最後都係她咎由自取。但二世祖又與銀幕前的男人擺了一大段距離，貧窮男人只覺得這個有錢仔身痕自找麻煩。還要孫立基又太過貪心，鬥爭又唔會集中一種形式 - 說是筆戰，又想搞陰道戰，最後更是明刀拼殺，結果就係沒一種落重本。孫又搞出套通街都唔會看過癮的戲，仲要上次都可靠人體爆炸呃話題，今次你叫松岡李那賣兩點出來都唔得都唔知你靠得乜了。