《地球最後的夜晚》 - 撈亂骨頭，窩囊搵笨

畢贛好歹都搞出個二零一九年頭最具話題作，《地球最後的夜晚》 (Long Day's Journey into Night) 正式上畫後媽聲四起，大都諷其擺神作之名根本冇其實，情景令我回想起一九九四年的王家衛。 

《東邪西毒》就似紅酒，釀後即開你係未能領略其醇香，就是多年後才會領悟。畢就似自比為王，電影的非3D的七十多分鐘，似一整條排骨硬斬開一段段再撈亂送入你口，你咬著你就不解明明我在品嘗卻同時要苦時究竟這件係頭或尾。

或者《地》被人看不起，係它自比《東》，持藝術既野你識條鐵之態，卻就係冇《東》的氣概：整套《地》其實對話不斷，甚至其係想營造幾句如《東》叫人感嘆之句，但如「記憶和電影，後者必定是假，前者或真或假」你又領悟到多少？電影兩部分 – 撈亂骨頭的七十分鐘和一鏡到底的六十分鐘，一邊係現實另一邊係夢境：但夢境裡也只會搞定小混混，拿槍嚇著手冇寸鐵的男人，回到現實又係開一槍都未必敢。 

《東邪西毒》迷人在係自大卻就自信 ，開頭歐陽鋒的：「我唔介意人地點睇我，我只不過唔可以接受人地比我更加開心。」已經表露。《地球最後的夜晚》呢？現實一面充斥無奈、逃避、窩囊，到發夢一面也發得唔夠大膽，更突顯六十分鐘的3D層次感也可謂意義幾冇。當我唔計較你3D，我最計較係還以為湯唯擔大旗，點知真正由頭帶尾係這個不見能頂天立地的黃覺。搵笨處處，甚麼最後的夜晚，叫得像邪教嚷明日世界未日來吸金，過埋明日當然就被怒噓追斬九條街。