唔明白為何劉偉恒會那麼著迷九十年代初。
《某日某月》 (When
Sun Meets Moon) 的吸引處就係男女主角 - 原島大地和湯怡（王子月），這也是一種冒險 - 搞唔好就淪為兩人的寫真集。老實講看得夠多，你又會對飾周旭日的原島感到好唔耐煩：扮做壞孩子，卻只敢拿起鐵通作勢叫人隻揪，俾係《旺角卡門》的劉華或《三五成群》的大王就唔理三七廿一一棍打落去。見到陳茵媺扮的貌美老師又沒想進一步，雖則青春就唔一定《以青春的名義》。講到底只係個懶憤世嫉俗的富家子，嬌柔而沒草根英氣；事實上電影放較多於周的校園生活，周身處的寄宿學校，唔係普羅大眾會讀，重覆《哪一天我們會飛》的錯
- 找些唔係大家的回憶，係唔能令大眾有共嗚。
就係個未嘗人煙火之王子與灰姑娘，很是納悶。或者故事係其次，追憶一九九二才是重點：這些年有甚麼值得提起？張學友？YES！閃咭？傳呼機？卻就連「事頭婆」頭像都沒擺出來。講真電影給你看到的，實沒甚麼值得去回味。較標誌的「熱狗」，但中華巴士正係那些年服務最差劣的巴士公司。
而沒畫出腸的，或令人清楚劉想追憶甚麼：周旭日駕大膽車與王子月母親衝突，接著王母見到王上了周的車，二話不說著王下車。俾著有「如何食到外母家雞脾」潮文的今天，或是某財政司道過會為一毫走粉的獅子山下，看著女兒上到富家子的名車，做母親反會歡天起地著女兒：「去去去！玩上飛鵝山玩到明朝都唔怕！」一九九二的母親可有如此腰骨，只因這是個全民無憂米的時代。我的所謂「窮」，其實也唔少得你很多，我才不稀罕你的錢。
正因人人富足，故此個個都可「堅守道德」，不用你欺我詐，誰也可以純情。眼見共產黨殺到來，頂多只會遠走他方躲避，不用今時今日為個五毛而食相核突。真正貧窮的好處，就係製造矛盾衝突，不論階級還是道德。純愛電影係有夠無聊的一套，只因人們嚮往係做無憂的王子公主才另有觀賞價值。但這個美好的九十年代初，我們都抱緊但已經落空，其實我再去愛惜又有何用？
沒有留言:
張貼留言