《脫皮爸爸》 - 放下當年，脫殼飛天

話古天樂係爛片王其實唔岩，近年最具指標的爛作都給劉華接哂還未到佢。只係接戲接到唔揀飲擇食，呢樣還可肯定。

司徒慧焯的《脫皮爸爸》 (Shed Skin Papa) 和陳木勝的《喵星人》相似 - 科幻、吳鎮宇才是真主角、但古仔仍是不可或缺 - 正如有「廢」的大雄才突顯到叮噹，這回古仔也是飾個問題多多 - 負債累累、和前度纠缠不清而氣走老婆、卻又有過光彩的過去。這角色面善嘛？不止係《喵星人》的吊兒郎當，更係是枝裕和《比海還深》裡的爛泥老豆。

還以為吳鎮宇做過會脫皮的爸爸，又係話「想當年」就可解決問題。根本唔係 - 唔止所謂「當年」只係換個樣子換套衫，極其量擺架飛機去表達，環境實唔重要。重點係個人的經歷，每個階段都有甜酸苦辣，組合才可成有味道的人生。就係脫下的幾層皮，突然翻生，同檯自以為怎麼招積，又互數「自己」如何不是，但最終都係一架飛機乘風而去不帶走一片雲彩。

《脫皮爸爸》最精彩的係終補完是枝裕和未講哂的，也是令個男人終於學曉的 - 不再拖泥帶水，唔捨得過往，但仍懂得放下重新上路。就像蟬脫殼成金起飛，要放下「當年」才能令你勇往直前。

願男人們都學識去做隻蟬。