不經不覺，張家輝來了第三套 - 《低壓槽》 (The
Trough) 不再靈異，轉玩警匪，甚至似想科幻但無力，於是只虛擬一個和現實沒太大分別的孤城作場景。開始發覺張空有意念就想多花款，「名導演」羅守耀也就這樣，結果怎樣？可想而知。
張老早就不再搞笑，但成套戲卻叫人以為他仍在拍「喜劇」：讀對白讀得最正常的似只限張可頤，其他幾一律生硬，巴基斯坦小妹妹那部分更會引人發笑；那間「安全屋」真係咁安全？在裡打電話給黑幫也唔驚被追蹤到位置？在警署飯堂內大聲講臥底行蹤，坐在對面的黑警同僚就打字直播出街.....張或者正想搞出一個非一般的世界，但這個另類世界的荒謬度恐拍叫人承受不了。
認真看待：這次張家輝有點憤世嫉俗，孤城設定為黑幫幾主宰一切，連警隊裡渣旗的都係黑警，精英等都想置身事外，反正一走了之就好，像也在控訴當今。成個故事亦似奉俊昊的《末世列車》 - 但于秋 (張家輝) 實唔係靠自己由底打到頂，而係在底一直打，卻未似看到能打上去的曙光，此時「老闆」惠美子 (徐靜蕾) 卻覺得看夠戲，於是就把于秋「拉到車頭」，請他做老闆。
《低壓槽》表面陽剛，卻一點也不剛烈，甚至軟弱：男人想改變世間，卻不能靠自己隻手空拳，反係靠女人同情你憐憫你於是施捨那最大個位俾你，一大漸食拖鞋飯之味。更重要的係，若這套真係翻版《末世列車》，張家輝最後卻係讓列車繼續運行，只係叫坐最尾卡的過得好些少，總之唔係叫列車出軌炒哂。張憤世但最後也認全盤變世太天真，這種無力感，比張的導技更叫人看不下去。
沒有留言:
張貼留言