假若《音樂人生》，黃家正的「點解要做人？」係仲未講完，《少年滋味》 (The Taste of Youth) 就係因為張經緯要繼續傾落去而開拍。或許有人不受落黃的名校中產再加年少輕狂，張今次找來多十多個來拍，有名校、有左派band3學校、中產的、問題家庭的、新港人......各式各樣盡野一爐。
最先出場的是名校生Brian，當問起他們有甚麼夢想時，他們竟回答：「沒有啊、娶個老婆生對仔女罷。」叫人驚訝，尤其當你看完《那一天我們會飛》，才發現廿多年後，那個想當飛機師的蘇博文早就唔知死左去邊。名校生本來多不用為生計擔憂，但他們卻都唔敢為未來作太多憧憬。這或講出電影的實際主題
– 少年你還有夢想麽？
Angel開始道出少年唔敢有夢想之因：她是領袖生長，原期望以自己角色去和學校溝通以放鬆一些過嚴的校規，卻換來相當無癮的回應：「你沒從領袖生角度思考。」Angel的期待，也是很多人曾經的夢想
– 制度沉淪腐敗，就嘗試投身這個制度，以自己力量改變它。改變係難上加難，因為唔係損害既得利益者之利益，就係會給制度管理者添麻煩。中國歷史上勇於改革的：商鞅、王安石、譚嗣同都無好收場，少年或未必會讀歷史，於是先叫他們這麼快氣餒，你問係害了他們還實是為他們著想？還真難答。
Vicky也是如此無癮：她出自教師世家，她父母卻嚷她將來別再做教師：「又賺唔到錢又唔易做.......」非常諷刺，老師本來就唔係向錢看，他倆都忘記了。而教導子女將來搵工只看賺多少，功利得很。這個世道，工作的使命，都係空談，人人都只在乎搵兩餐。Vicky就像千尋，看見身旁的父母不知不覺變成了豬，束手無策相當無奈，更似乎她遲早也會一樣。吃飽就好的豬，更加沒有資格談夢想，因反正是要被宰。
凱婷的處境更是不要說了：她在學校常遭受人欺負，因而經常逃學，像野比大雄。她唔係沒有長處，會學打鼓。她的困境正因自己肥胖而遭到欺凌，這個社會往往就把不順眼的，不主流的加以打壓。如像Paul，他熱心做義工服務人群，就係不為錢不為自己服務，而被父母投以異樣。這個向錢看的社會，你的夢想唔係為發達就注定被打壓欺負，對於欺負人，社會更係不遺餘力。年輕人在此環境，不要講堅持，夠膽去談的又有幾多？
真的沒有人談夢想？還有的，那就只有十歲的Nicole，或華仔的青海同鄉，他們都對未知的未來有憧憬。有夢想就只因他們幼稚，如華仔般已知曉一切，也早就夢醒了。
《少年滋味》係很苦澀，人要接受現實不再夢想，通常都中年成家立室時。落在這班少年，則叫人慨歎究竟係少年老得太快，還是社會已衰老死版，叫人不敢做夢？
沒有留言:
張貼留言