《老笠》 - 戲如人生

火火的《老笠》 (Robbery) 係過癮，唔止係林雪和馮淬帆的演技，還有是即使片長明明九十二分鐘，仍睇唔透那時才到結局。

由姜浩民帶四人PTU衝入店舖制服一干人等，觀眾還以為竟這麼快就結束，怎料姜又突然變了魔警，大家都係走唔出這間便利店。後來更唔係壞人被殺就了事，姜死還有林雪，林死還有馮淬帆叫作最後對決。大家的行徑時而反常，其實有很多機會卻不遏力跑出店舖，或其實他們根本不想逃。

《老笠》的原本或應就係舞台劇，無人離開店舖，只因店內就係舞台：姜變魔警的一刻，一陣僵持，因一個小朋友而「暫停」。小朋友離開，大家又如在舞台排位般「返回原位」。林雪頸上被插進鉸剪，始終需要近鏡去給你看清楚，這套其實係舞台擺進銀幕的成功示範。

只係故事去到最尾則圈可點：曾國祥在戲裡被稱為「廢青」，廢到最後鬼都唔想上他身，雖然他身邊的鬼：魔警、老桿匪、殺妻經理、失婚婦......沒有誰比誰更高尚，諷刺這世間沒有人比人的廢，只係你們自卑而好人比人比死人。最後曾國祥上回自己的身，像說縱使現在一無所有，但及後你會覺得活著仍係一件唔錯的事來 - 只係你覺得自己唔錯，都係建基於他人唔好得你幾多，正如他人數你是廢青，你也比較別人來自我安慰。

馮淬帆自我嘲諷自己係茹哩啡，世人的記憶怎會有你的存在。曾國祥當時或正想寧願做一日英雄，也唔願做一世廢青。最後他著馮向炸彈開槍，來賭誰人條命夠硬，本來這已問到存在意義。但最後炸彈一爆，曾還是上回自己的身，勉勵做回自己其實也不錯，那就叫草草了結。其實，火火還有心問到這裡，都算講透了人生如戲也。