《不是你不愛你》- 水準就如今日恒指

 

你或滿懷希望《不是你不愛你》（Love at First Lie）係葉念琛嘗試再來一次《第一次不是你》的純愛，但唔好意思，這套簡直會直踢你落地獄，講明他永遠也回不去。

 

你要我簡介葉作一直以來是甚麼？很簡單就係營多撈麵：一味用味粉以為就可滿足你味覺，問題就係佢一直濫用，叫佢煮碗白粥都竟也不自覺落埋：戲裡大部份閒角經常燥動不可理喻撩交打，這是葉一直的突兀手法，只在《第一次》時為令蔣家旻扮得起純情少女而放下不用，這次他以為譚旻萱也夠清純無瑕，這卻暴露他已被味粉麻痺到只自己味蕾再沒味覺卻不自知。

 

正如唔係用起金珉禧當阿寶你就可搞出另一套《等一個人的心灣》，純愛唔係淨如清水乜都冇，《第一次》好歹道出一小事摧毀一切，連帶醒悟時已無可挽回的痛心。今次《不是你》卻想講甚麼 - 灰姑娘白馬王子彼此一見鍾情再一齊痛恨一腳踏兩船到最後王子生cancer......那奏霉味令覺幾年前抽起煙的金珉禧仲新鮮過佢地。

 

你辯往往橋唔怕舊，《當男人戀愛時》也會如此老套。係囉若真純愛就只係兩個人，只一男一女主幹貫穿故事嘛。這套卻口說痛恨卻不斷「勾三搭四」：前度、老豆、青梅竹馬、豬朋狗友、繼母......一大堆角色好不熱鬧，只係大部分都彈出彈入咁：就係一開頭摑你把，轉過頭又想復合，但最後都交返個波俾第個 - 知你係扮個唔認真的女人，但你還真係做全套到唔認真至咁撚樣。所以莫怪聽到你生cancer沒失笑算俾面，旨因我只記起《The room》裡的外母都彈話自己生癌，個女轉頭就話你反正會好返於是冇下文。

 

更重要的是：只見你上左人哋架車，或拖人哋隻手就咬定你同人哋一齊，今時今日這已唔止老土，直頭該用弱智來形容。若這個旺角活地亞倫一直都在反映現實，今日恒指到了那個位，他也順應潮流把自己水平去到那個位置。所以《第一次不是你》他一定回不去，因為小弟講過那套係佢執導以來最佳作。