《潛行》- 「劉華係我，你奈得我何？ 」

 

踏入二零二四年第一部杰作，話雖你睇《潛行》（I Did It My Way）預告裡似向「天幕」致敬的對白都叫你嗅到那陣味道。令人意外係導演為關智耀，上次《追龍》都叫有版有眼，飛起左王晶你就水準大降得如此？  

  

啼笑皆非已唔止對白：戲裡「暗網」或警方套網絡，直頭喺《斷網》搬過來；劉德華彭宇晏任達華時而狂燥，一係就如食花生食到見人就死，先扮哂嘢罵人命來架再撲去救人；或者就明明見住荷槍脅持做埋，你都重要話download哂D file先有證據拉人 - 簡直就係「天機」裡明明失哂控，公安都死口話一切盡在掌握之中。 

 

總括唔講到發餿酸臭，起碼又係把冷飯菜汁再翻炒：臥底、毒品、兄弟之誼，你淨問劉華佢拍過呢D幾多鋪？其實應問返這套其實還有甚麼想講？就係《追龍》翻炒跛豪雷洛都會得出兄弟情誼只係講下，《潛行》卻係想當年以為一首歌用心寫用心唱咁簡簡單單搞撚掂，翻過來實係叫too simple。叫人問這個關智耀都六十歲人，想法為何還要這麼naïve。 

 

或者叫naïve都唔止關，戲裡那劉華「致敬天幕」之對白：「林陣安係我，老闆係我，你奈得我何？」講到發哂爛喳，似向觀眾發悔氣：「劉華係我，拍爛片係我，你奈得我何！」其實劉華係你又點，你這個悔氣又係遲發了十年。話雖我見到十年前和現在帶給人歡樂，自暴自棄大罵大笑的觀眾唔尊重電影或者只因為你悲觀。