《焚身》- 戇鳩鄭嘉穎與恐怖雞陳靜

 

一睇《焚身》的海報，你會想到係那位導演拍的？開估：劉偉恒。你問誰？佢之前拍的那兩套，一套《王家欣》，另一套《某月某日》。 

 

懶正氣講係好奇劉會轉到如此戲路，坦白講就係被海報裡的陳靜吸引，諗既然講偷食點都有兩三場激戰。結果係大家谷左成粒鐘，劉先叫陳施施著睡衣出來，係咁易叫鄭嘉穎由胸掃到大脾，似施捨你班毒撚咁俾你地是撚但J下，喂劉偉恒你呢D乜撚野意思呀依家？男觀眾實粗口橫飛，小弟卻覺應沉住氣：劉係東方影業中最言之有物，佢算客氣過《春宮野史大批鬥》- 好歹唔會叫鄭陳除哂衫卻用小畫家畫面遮住，總之我一動怒就似會中左咩計。

 

劉偉恒係很念舊，實話係老土，思維常在九十年代：以為讀過大學是但做個醫生都會住郊外大屋，現在中產邊會咁富貴？講到中產，話老土已算好聽，更寸係似抄《夜半女敲門》(Knock Knock)，更甚者鄭嘉穎遠不是奇洛李維斯，卻戇鳩得過之無不及，醉左重要話：「唔好，我有老婆。」你以為自己係楊冪？難怪會比陳靜食住上。朱晨麗仲戇到利物浦，所以同鄭搭成兩公婆。劉似想嘲弄中產的偽善因而愚蠢得自綁手腳，但佢無搞清楚有奇洛仲要住郊外大屋的擺明美國特產，硬套落香港那除了戇鳩就只有戇鳩。

 

陳靜就係你隔離瞓過就對你死纏爛打，點都唔認係睇中你係醫生你有錢，根本就丁蟹級數之物，直講就係一件恐怖雞。劉卻冇把她去盡發揮：唔扭下橋話鄭其實扮有錢仔，又或上了她的係鄭之豬朋狗友？講真你戲英文名叫Burning，重要最後燒著間屋，睇你重想玩埋《燒失樂園》。劉偉恒還真坐這山望那山，卻始終唔敢專心陳靜的軀體，睇來劉才是最該被嘲諷的偽君子。