《三島由紀夫：最後思辯》- 文字有力量還是靠力量？

 

《三島由紀夫：最後思辯》 (MISHIMA: THE LAST DEBATE) 係叫人不斷地刷，未必真係好睇，尤其你要評此戲時，你想再買票入場時會醒覺還不如上Netflix甚至用個唔光彩方法睇返仲實際：成場辯論係茫茫大海，你突然覺得唔知著陸點在那。

 

這問題盡在一開始，只打出《三島由紀夫vs東大全共闘》，你覺得巴閉英雄主義疊馬，但細心睇這只是講正反方是誰，根本唔係一條論題，話雖細心睇係見到傾自然到天皇等，但總覺似吹水會，大家傾到漫無目的。就係中後會有觀眾鼓譟彼此都係玩弄抽象亂噏廿四，還不如當場隻揪仲實際。

 

當然早揚言用文字擊倒對方，突轉拳腳相向只敗露你口技不如人。正如芥正彥手抱女兒上台：講明無意大打出手。但講真文字係真有力量四量撥千斤，還是只係一廂情願的美好？

 

就在討論事物與關係時，芥正指三島已被擊敗，直指佢真係得個講，奈何說話卻對對手以至台下起唔到作用。若松孝二在《三島由紀夫自決之日》裡講到三島直情係被噓聲送走自找沒趣，雖現實三島沒遭此無禮對待，但若松用的係芥正觀點。但若然辯論係正反雙方都要堅持自己來說服對家，而不是一方對另一方單向灌輸，那指三島被擊敗係唔成立：三島說服不了東大全共闘，但全共闘都未說服到三島。

 

辯論完三島等全身而退，所謂火藥味濃但實情嘻哈大笑居多，意想不到的平和。但這未必係大家甘只用文字交峰：唔止三島有自己的民兵楯之會，全共闘亦顧忌對立的日共民青趁火打劫。三島開波時講明從未反對暴力，因為不設前設地反對就會落入共產黨戰略思維 - 三島早就知你夠膽暴力，對家才會客氣地請你上談判桌。奈何五十年後香港人才醒悟，但是已中計很久。

 

辯論後一年半，三島闖入自衛隊基地挾持基地長官，想說服基地隊員跟隨他，卻遭基地隊員嘲笑，結果剖腹自盡：他還是要靠暴力，更諷刺係這都支撐不起他用文字去說服人。芥正彥說的三島被擊敗正是預言，也是流露文字面對時代洪流，始終不外於是。正如同一年，大眾視線由左右之爭轉到萬博開幕，東大九百號教室的火藥味，又只是一刻過眼雲煙。