《月老》- 不切實際浪漫主義

 

你話我成日講現實現代，又可否解釋浪漫主義是甚麼一回事？九把刀的 《月老》 (Till We Meet Again)  正是個好例，因為你可以拿柯震東之前的現實作一對，例如趙德胤的《再見瓦城》。 

 

當你睇到中段阿綸 (柯震東)  和 小咪 (宋芸樺) 重遇，這個最叫人感動的位置，你流下馬尿時或又會先摑自己一把，突然想清楚這位置建基在甚麼：自以為從小便相識大便情更濃，故懶理七年就厭的青梅竹馬；明明人鬼相隔你又趕著投胎卻竟有閒情戀愛 - 一句講哂：不切實際。 

 

若果《月老》 導演係姓趙，或九把刀轉玩現實主義，阿綸最後就係唔會甘心投胎做蝸牛而係會變作厲鬼 - 就如 《瓦城》 那結局：現實就係要計較計算清楚，你就唔會甘心付出後一無所獲；浪漫卻係目前美麗，背後付出已唔再重要。亦所以現實係解釋唔到愛，因它就係難以置信愛的源起可以簡單到只係一個眼神對望。浪漫就係唔會計較，所以就可以即跳到講愛是恒久忍耐。 

 

你話這是否笑道浪漫主義就係不切實際，這種感動係一點用都沒有？那看你入戲院係意欲何為：就係有人受夠 《瓦城》 情節每日身旁不斷上演，入戲院就係躲避現實，目睹一下童話戀愛的模樣來慰藉心靈。當然你或又窒話正因為咁，就令你一出戲院就適應唔到現實。 

 

其實何謂愛可能正是哥林多前書講既幾十字，會計較的你正嫌這解釋唔夠充份，唔會計較的話卻會享受這簡單的答案。看電影本來就係要享受情節，何必為情節真唔真確實唔實際而自討苦吃？