2018年6月21日 星期四

《洩密者們》 - 革命夕陽



看得夠多邱禮濤和李敏的合作總會得出些防伏經驗:《洩密者們 (The Leakers) 故事講疫症但評級只有ⅡB而主演有吳鎮宇張智霖佘詩曼鄭則仕劉浩龍周秀娜......彼此輩份相差無幾記憶力較好的會記得約十年前邱李有套玩爛之作,就似如此玩法。


《死神傻了》就似這套 - 就唔需有一個真正由一而終的主角,叫一大班二線演員開派對般由頭接到尾。而這套開頭就係李燦森先出場再接到佘詩曼再接張智霖到吳鎮宇......像派餅仔般一人一幕接一幕咁就搞定個上部你會問我花了數十大元入場可否給些場面看早就叫你看清楚海報底打著的B早話過你聽唔係有疫症就會搞到如《伊波拉病毒》,至多我找幾架車互炒埋一碟,叫花多些少來盡量下你眼球,滿意了麼?

但始終人也會進步,《死神傻了》沒故事可言旨在呃飯食,這套好歹都叫有言欲說:邱禮濤係左仔導演革命是其興趣課題 - 藥廠老闆散播病毒趁機售藥發疫情財又係問平民百姓能否制倒財團大魔頭但邱就知大衛擲石仔打倒哥利亞只是神話現實革命要贏似要去連環合縱 - 權貴圈內良心發現的公子懷有理想的記者尋求真正公義的警察一班人原互不相識因感彼此目標相同於是聯手一齊打大佬

問題係哥利亞比你想像為大三個臭皮匠勝過諸葛亮不等於打底埋巨人公子用自己性命換大老闆被入罪但藥廠仍有其他股東之後藥廠至多收斂一下還依舊繼續運行記者警察們像《七俠四義》搞掂山賊的武士,看著世界不顧他們繼續運行,似暗裡埋怨被利用。邱感資本主義係醜惡但堅持左翼革命勝利係不切實際的傻瓜就是覺得山賊始終陸續有來故不用想全打他們而係叫他們唔好搶咁多就好

這是邱禮濤講革命講得最意志消沉的一套或許他以為革命會成功的早就成功了。革命就算像紅日之火高昇,但時間一久,終會落下。還不如未到最陰暗時,見好就收。

沒有留言:

張貼留言