《金多寶》- 翁子光的家庭與電影

 

翁子光首次拍賀歲，《金多寶》（The Snowball on a Sunny Day）也少不了公式：除主角金燕玲鍾雪瑩呂爵安李尚正楊詩敏李鎧霖，友情客串都用古天樂蔡卓妍，配角路人甲都係睇開戲的你會認到，當然情節對白亦係以往一兩年坊間潮語梗的回顧。 

  

但翁就「削」了很多：時事嘢因你懂的原因唔強調、既然合家歡也唔點談性、賀歲也唔係《踏血尋梅》《爸爸》的悲中慨歎，但因著以往，故事都未係只管嘻嘻哈哈唔知搞乜撚的胡鬧。 

 

故事線上翁想強調家庭和電影：金燕玲做了主線，亦係翁為其「洗底」- 金之前《一念無明》《失戀日》都係做叫人反感嫌惡的惡母，這次卻搖身變慈祥扮懵實最智慧的長輩。翁其實似艾慕度華：會講性卻相信家庭，相信其始終係包容的避風港 - 《爸爸》如是，這套也是。 

 

電影就係鍾雪瑩做助導的辛酸：金見鍾有夢不值其辛而無獲，著其把彩金一半拿去拍電影 – 最後你又覺翁竟忘記此事，叫鐘繼續捱助導沒有開戲，翁要辯話他唔係忘記，而係知道持著有錢就拍，如《The room》或「天機」會係甚麼收場，妄想一步登天就會遭電影之神玩弄，還是腳踏實地好，始終鍾雪都唔係一套封后。