辛貝克 (Sean
Baker) 的《阿諾拉》(Anora)，主旨道理或只簡單一句：邊撚度有咁多白馬王子？
其實就係一個逆「白馬王子」還是「霸道總裁愛上我」- 那些始終都係嚷dream come true，這套由轉至合就不斷喊發你個夢：Anora (Mikey Madison) 搭上二世組Ivan
(Mark Eidelstein)，由相識接私鐘，被其包起一星期拉斯維加斯之旅，再到即興結婚，過程一小時卻感流暢沒拖泥帶水，因為就係不斷燈紅酒綠打羽毛球，男人不理解女人公主夢不打緊，反正話之叫做愛定扑嘢還是打羽毛球總之就兩性共識。其實就刺破灰姑娘嚮往王子還是霸總，如何包裝雪白無瑕，內裡本質咪又係錢和性。
部份同行如吾友Ah mo還是玫瑰都諷係臭雞發春秋大夢，但還是想給Anora個肯定：就算她也反感別人話她係雞，但其實她態度始終：「我就係雞呀！吹咩！」- 白馬王子故最叫人唔耐煩係灰姑娘一定賣軟弱可憐，《Tinder詐騙王》的受害者們講到得知被騙時總要流兩行眼淚。唯Anora係就算被當發癲婊子，頂多在「外母」前扮乖示好，卻就唔會示弱。
但發夢就係發夢，Anora也會察覺：這個王子其實只識打機、得悉其父母將殺到來只會逃離避聽手機、到Anora「舊返工地方」叫雞還叫正她死敵、當然父母面前反抗一下的意欲也無。Anora也坦認利字當頭，就係Ivan最後嚷只係當她伴遊玩玩下，她就憤怒回應好撚高興可以和他離婚，若係「傳統」灰姑娘就係哭哭啼啼問真心對你你竟玩我
- 就算臭雞，至少比最後還要造作的婊子為佳。
最後又玩味的：Anora和亞美尼亞光頭仔
(Yura Borisov)，由冤家到車內定格對望，Anora還想對他騎乘叫送他一炮，想當他正如Ivan咁咪又係一個客。結果幹不下去卻是她，她摑了他，作出唯一的哭哭啼啼
– 她接受不了最終愛上這戇直的光頭仔，這是應該的現實偏不會給女人接受，正如灰姑娘要得到幸福就只能嫁給王子偏就不可以木匠的兒子。有同行話這又印證雞格難改，因為雞格一為寧願坐在寶馬內哭，也不願坐在爛車內笑。何況，這回她哭了。
沒有留言:
張貼留言