《爆裂點》- 港式應酬內階級鬥爭

 

林超賢拍了《守城》後，已正式與王晶高志森並列，只小弟從來都我不入地獄誰入地獄，要論其戲必先觀其之是我的原則。

 

你嗆小弟都二零二三別分甚麼黃藍，排除政見去評《爆裂點》（Bursting Point）睇唔睇得過：先就演員而言，見到梁洛施還會令人興奮，可惜就算主角，亦只似個多戲份點的花瓶，懷疑係後來夾硬加插，因為見電影海報只賣張家輝同陳偉霆。張家輝過往在林電影裡怎樣這次也是這樣，至於陳偉霆，至今我還不知道他是誰。

 

且唔止張，應話林以前的《火龍》《逆戰》怎麼樣，《爆》就更加那麼樣：重場面於是唔來一場大爆也要打一鑊大交接到結束，卻輕故事就係海報上打著化友為敵，但做朋友就只限躲在拳館裡食蛋糕，反目亦只因被捉到痛腳手足無措。且依舊正邪要分別，所以警察係忠搞毒品一定邪，陳一直強調佢係警察，於是騰雞於被拍到殺著黑幫、或黑幫狹持自己女兒與他對峙，觀眾愈睇念不禁會心微笑：「咁驚做乜，你地唔不嬲阿sir做野唔駛你教咩？」

 

其實《爆》實際係一套應酬片：既然小紅書手打檸茶都陸續流行香港市面，香港電影也係時候要同祖國接軌學起應酬，這套應酬誰？明顯就係香港警察，只因市民大眾這些年都被黑媒體所蒙蔽，為此要拍套去頌揚警察的汗馬功高：片尾要響起《大丈夫》，片裡大講與黑幫互戰如何壯烈。只係你以為會感動觀眾，觀眾卻很理性早明白應酬片故事內容點都實屬虛構；更甚對某部分：目睹警察遇伏唔會諗到悲壯相反感到抒壓，心裡響起唔會《大丈夫》反係「陷家High High High」。但搞到如此亦算係林自找：戲裡兩飾兒子或女兒之角色，都編成係毫無建樹撩事鬥非麻撚煩廢青，就係被車撞瓜或活生生燒死都唔會叫人憐惜。銀幕前年輕觀眾見被肆意數算，就反過來對大人拉柴，只係無感也算俾面。

 

林超賢這些年北上發展，或已學透階級鬥爭：就係無止境鬥盡每一個，於是最終係張家輝目睹燒成炭的兒子，四周空無一人。最後你還問小弟究竟《爆裂點》值唔值得入場，我答反正三級，買票入場只限成年人，成年人還應有自由意志自己決定。只係建議你入場記著你自己只係觀眾，戲裡其實與我無關，你自然會有另一種得著。