《富都青年》- 努力的悲劇

王禮霖的《富都青年》（Abang Adik），像陳勝吉《分貝人生》的補充：講真只擺個自暴自棄的廢青出來代表哂所有窮人只係滿足右派目光，要公允看窮人點都要擺個老實人出來對比，某程度也是一半回歸《單車竊賊》 (The Bicycle Thief)。 

 

吳慷仁其實就做返《單車》的父親–認命唔對抗踏實做人，陳澤耀則延續《分貝》裡的「廢青」，懶憤世嫉俗卻係連選票都冇，既無對抗社會之力就剝削比他更低層者，雖然佢自己亦被在地人剝削。儘管社會多了黑暗，但這實比如《芳寸之地》的日本坦白：這裡遠未叫得上發達，又那有本事去大愛？有社工NGO幫你們一下已仁至義盡 - 都係嗰句社會沒諗過去難為你，你窮你情況始終你自己事要自己負責。 

 

你駁有言未歷其苦莫勸其善，現實會係想得這麼簡單？為何《單車》裡那老實的父親最終都去偷單車？吳更係直說想死去控訴：明明自己努力做人甘如螻蟻，社會卻偏要迫他到絕路。雖然他始終要為自己親手做的負責，只係他明明可諉過弟弟當無事，更叫人慨歎為何老實做人卻下場悲哀。

 

你話吳努力未必全是徒然，起碼最後喚醒其弟面對其父也面對自己，避了如《分貝》最後不知去向，救人一命勝七級浮屠。只係又如何？明明就話自己o野自己事，結果成全他人卻難為自己有何意思？若《白日之下》係一大班人不欲正視的共孽，只講一個人的《富都青年》係認真的悲劇：就算響起鄧麗君的《千言萬語》，巴士上仿起《春光乍洩》，你卻唔會覺得浪漫，聽到吳慷仁竭力講我想死，你只會覺戚戚然。