《無名》- 潛到最後呃到盡

 

程耳的《無名》(HIDDEN BLADE) 似係部「呃飯食」之作。

 

當然這只限於「拜託」其拍的，其他觀眾則唔敢講係呃埋佢地：程早年的《羅曼蒂克消亡史》據說俘虜不少粉絲，因此只聽有人罷睇張藝謀，卻沒怎聞到有人針對他，那管內容簡介寫得明顯係要事奉誰。 

 

電影講述中共在八年抗戰時在淪陷區的地下活動，《無名》係恰如其名 - 戲裡人都係有姓甚卻沒名誰，如梁朝偉只叫何主任、王一博叫葉秘書、周迅叫陳小姐、黃磊叫張先生等。就連中共在電影前大半都沒怎提及，或者程會狡辯道：「黨唔係很謙卑嗎？就係習大大也會自謙『功成不必在我』呀。」 雖後部也按耐不住，叫那些特務「現身」，最終也叫葉秘書大喊：「我也是 (共產黨)！」

 

故仔敘事係跳躍式，一時大大字標明時間跳到四五或四六年，卻又返到四一年唔講清楚你聽。重要似係複製某段再藉跳躍來重覆以消時間，若要指證程在呃或可引這些手段；故事除了單以時間驅動，講汪精衛政權內部及其與日本人交手外，並配一日本公爵加入一小隊日軍，和同僚有所情誼，而全隊人遭伏殺之案。但正因「無名」嘛，故沒講明係中共所為。你問中共實際幹過甚麼？答得出的或只係叫葉秘書誘騙日軍軍官 (森博之) 交出東北地圖再轉交給蘇聯。但讀過歷史都知：蘇聯係見日本吃著了原子彈，敗局已定才揮軍滿州偷雞，還未計蘇軍進入東北就大肆姦淫擄掠。相比國民黨還似做野「務實」點 - 叫唐部長 (大鵬) 做中間人和日本講數，還會說：「若只是回到三七年前，那三七年為什麼要打？」

 

為中共做事的有男有女，張先生所以變節，乃因原想與陳小姐共諧連理，怎料陳指她表錯情；葉秘書的未婚妻當特務暗殺日人，說嫌疑葉當漢奸，說和平後寧願改找勞工或知識份子當愛人，令到葉芳心碎。你話成大事係要擺脫感情拖累，但另邊廂看得出係確係利用感情，故給男人都會怨你「係雞係公廁」，繼而會想起某黨畢竟對人殘忍。這似乎唔限於呃，簡直就係高級黑了。

 

你話我以為程耳粉絲會比某黨更可怕，故唔敢講程係呃埋其他。小弟只係覺要公道，就係貝托魯奇這意大利共產黨員也倡先為自己服務才能為人民服務。尤其電影臨結，何主任和葉秘書交手時，著他：「潛伏到最後。」- 這似才是電影真正主旨：早些年有人曾倡要賺藍養黃，程耳說我依家就俾個示範你去做。