《1人婚禮》- 信心者革命，無信心鬧劇

 

略閱《1人婚禮》(Say I Do To Me) 簡介時，即諗起樣野：周冠威你唔好話俾我聽你擺明居馬直抄佐佐木希主演日劇《我才不會把女兒交給YouTuber!》吧？ 

  

若你係周的粉絲你或撐話：周之前拍過甚麼人盡皆知，若你要在這美麗新香港的銀幕上延續下去，你就要扮到冇大志去掩人耳目，抄已是基本，最重要係有咁胡鬧得咁胡鬧，唔駛你玩屎尿屁已算好。就係村上龍小說《69》：你搞出校園封鎖，給警察查獲過要閉門思過後，仲會諗去玩粉碎畢業典禮？ 

  

所以你唔信周甘心只在胡混，玩唔難，難在玩在表面實令幕前觀眾吾出道理。 

  

所謂《1人婚禮》還真可和「校園封鎖」做對比：你起名叫「跋折羅團」、在學校正門噴漆、在校長室裡拉屎，係扮到很革命，但都只是惡作劇；《1》本質就係多舊魚：話要愛自己，做咩要擺儀式告天下立誓？唔理你背後話係昆水昆流量，大家蜂擁而至去幫你架層疊屋，像擺祭壇鼓吹你愛自己，就咁其實已夠荒謬。 

 

更荒天下大謬係大家心碎唔係揭發你在昆水，就係台下怒罵你做咩唔繼續昆落去：原來要靠你建大台，台下大家才能跟隨去你出櫃、去自揭瘡疤。結果一場混亂台都拆埋，你才望著鏡裡自己起誓去愛 – 其實革命唔難，難在人都係自攞來賤的所謂保守，另想儀式又擺規矩。當你揭開本質，才發現你敢於打破，就已係一場革命。甚麼鋪張大台，反正唔係請客食飯或過年要有餘，除了多舊還就只多舊魚。 

 

《1人婚禮》應會被當爛戲，但周冠威卻who fucking cares：贏就革命輸就暴亂，係無奈的成王敗寇，我自信係革命就可。反正大家都被閉關，趁內心還可自由運轉，還不如反思一切到底為甚麼。就係愛自己就自信真係愛自己，你竟要多舊魚為著他人目光而發誓愛自己，很抱歉，共產黨還未真係打到來你卻自願被共產。正如紅氣球再於你眼前飄過，你又無信心去捉緊，那又如何？