《心裏美》- 冇深既淺，就余日記

 

若你問到底睇唔睇吳家偉的《心裏美》(Pretty Heart)好，我叫你不如先問自己：「你鍾唔鍾意余香凝？」

 

當然仲有王浩信同吳岱融，三人意味故事分三部分：設王係想問教育為何？結果就係擺多個貧苦女學生，從而講甚麼知識改變命運。無論「正直」老師定補習天王咪都係《大師兄》咁諗 - 考好個試入大學之後就美滿人生。講得宏亮實則膚淺：點解要背沙士比亞定狄更斯，王會話讓你應付左個試，余講多句給你用來溝女 - 兩個都答唔出往後人生有咩用：「這是最好的時代，也是最壞的時代」其實如《人生的意義》後講的道德抗戰，讓你站在關口時決擇。只係《大》教唔到你，這套亦係叫你考好個試就算唔好諗咁多。

 

吳岱融就係講親情，又係誤會令女兒記恨廿多年，至死後才一信解開老土野。吳一面大善人，另一面又扮風流唯利。其實吳還不如《孤味》咁，演個爛滾老豆，就係你的女兒又同你換左心自然繼承著你般爛。現在卻係余口黑地話自己老豆正仆街，吳又拍檯話自己唔係仆街，一D都唔好玩。

 

總之係兩個想你認真論的題目你都認真唔到，唯一縱貫全片的係余香凝，故你還不如認左這套只係余版少女日記，好讓J開佢的睇到飽，睇唔慣佢口黑臉西的都唔駛浪費票錢。其實《心裏美》令我注意到的唔係余又唔係吳家偉，而係浸會大學，再接著錢大康此名，唔怪得搞成咁。