《青春弒戀》- 努力無獲不如不想努力

 

你以為 《青春弒戀》(Terrorizers)  玩得複雜，睇真D何蔚庭或胡至欣其實都很單純。 

 

你窒電影咁多性情節何解單純？睇清楚除了不斷地咀，著得密實地自摸或互摸外，莫講露點，就係裸露多點都沒給你看，就係戲裡的幹片都睇唔出真係在幹。這真如一個似放蕩的小女生引誘毒撚上床，毒撚除褲時她卻推開爭扎：「我只係想kiss而已！ 」搞到台下觀眾竟和毒撚一齊怒叫：「痴撚線架！ 」

 

認真論複雜在故事架構：似係六個人物抽四個當軸再相互交叉成網，事實係毒撚郭明亮 (林柏宏) 才是貫穿整套戲的軸心，這也早表露在海報上；說探討Z世代，但看出來都係家庭隔膜、愛情遊戲、傳媒獵奇等，你唔擺出部VR眼鏡及手機，說戲裡係講Y係X都無所謂 – 反正都係從有都市並以第三產業為主導之社會必然之老生常談。 

 

你說嫌無聊還不如把無聊認真看：戲裡六角表面睇多是問題人，其實幾個個都會努力，你問每日走堂只顧打機的毒撚大學生稱上得甚麼努力？佢就係努力想搭上網紅莫妮卡 (陳庭妮)，就算表現痴漢，但他還真係努力過。純情女玉芳 (李沐) 認清自己係Les後也努力想要到莫，嚴格來講小張 (林哲熹) 及綺綺 (姚愛寗) 都努力搵純愛。 

 

只係他們努力多是徒然，及後才知還不如不想努力而到取唔係本來想要的：玉芳留不住莫妮卡就轉搭主動送花過來的小張，明亮費盡心絲也搭不上莫，及後發現只要唔嫌係老雞，只需花些少錢，做愛係多麼的容易。最後明亮投案自首，唔似覺悟，而係覺這努力無獲不勞而獲的世間太吹漲，還是找個地方隔離去躺平費時眼冤。 

 

你或覺得林柏宏神色竟時似陳同佳，或者何蔚庭等又唔叫得上保守：其實佳哥殺人同毒撚斬人一樣，係對努力無用的控訴。當然你會窒話你努力都要認清方向，傻到一鼓蠻力衝進死路誰可憐你。正如你努力做純情毒撚想女生看上你簡直係妄想，何不努力裝備好自己叫女生主動向你投懷嚷不想努力？