《當男人戀愛時》- 只係開關和圓環掣會否太天真？

 

睇《當男人戀愛時》 (Man In Love)  你會諗返《大時代》：假若丁蟹同羅慧玲之間沒有方進新的介入，他倆最後會否就如成  (邱澤)  和浩婷  (許瑋甯)  般，但相信去問十個八九個都會給個否定答案。  

  

你話故事老套還不如說是單純  -  相比坂元裕二或深田晃司，殷振豪講男女感情就只係兩種電掣對比，一見女人就鍾情的男人就只係個開與關，開著就係最熱度，唔關就係唔會關著；女人卻係圓型掣，一開卻未係最熱，係要逐漸調到最高。但都係過份理想唔現實：唔止兩人間沒可能唔會再加入第三個，而係成就似丁蟹橫蠻直撞，大家都記得玲蟹間的悲慘結局，你說成持續為婷好就有回報，但就如丁蟹也都自覺為玲好，《真愛假不了》更摑你把咁諷要做好人取悅對方就請你做到落地獄。你以為女人心裡的圓掣點都會逐開到最亮，天真。 

  

草根橫衝唔係台仔專利，印籍港仔成家宏也會。只係換做《我的印度男友》就更「可悲」-  睇到台仔入醫院到瓜柴你唔會感動卻都唔會笑出聲，但港女昏迷其母向印度仔哭訴時大家都有咁大聲笑咁大聲。我們會笑其天真，只係我們「愛情經驗太豐足」：當你太細沒追《大時代》，又沒睇過深田導下的煩膠土村芳，都會知葉念琛點講男女間你欺我詐。結果現在呈現單純的愛，話老土已很好聽，要難聽就係呃少女都呃唔著的寶藥黨故事，抱歉我們經驗夠，就係坂元裕二也會窒過份理想。 

 

你話 《當男人戀愛時》一無是處又唔係，就係愛情故事支架太單薄，那就改看身邊風情：香港印仔會強戴你腳鏈，台仔也會不停按飛，係煩但都煩到你嘻哈，誰說草根沒文化？突想到要找成和丁蟹之別，可能就係成好歹比蟹有趣一些。