《殺出個黃昏》(Time) 係外表open內裡懶斯文，就如馮寶寶唱前開講：「人生匆匆，就係等那一刻喪鐘......」就被台下柴台：「有冇搞錯！咒人去死！」就算謝賢幫你窒返去，你唱時都似冇左個膽。
若要搵個正面的主題，高子彬似就係想傾安樂死：秋 (謝賢) 鳳 (馮寶寶) 叢 (林雪) 三人由殺人轉為助人自殺，有人家財萬貫行得走得卻要付錢搵人在其頸一刀，拉闊去問求生係人之本能，除非病到生不如死，那為什麼總要期望喪鐘到臨？係寂寞，就係自覺被社會排擠一邊還真夠恐怖？
年輕人的出現其實叫人感刻意突兀，尤其顧定軒等更似夾硬插進。屈紫瑩 (鍾雪瑩) 係專安排給秋睇唔順眼，叫其不解年少又嚷自殺更頂唔順其開玩笑之態，但秋也忘記當年佢咪又咁年少輕狂。鍾雪瑩活潑亮眼，但作用似作逃避尋死疑問 - 就算你給家人 (李璨琛賈曉晨)、甚至妓女 (顏子菲) 嫌棄，只要你還能有用打得過年輕，說明你還有價值，就能把尋死念頭拋諸腦後。講穿就係老人自卑，故硬嚷年輕無能掩飾自己沒種。
片名其實叫想起弘兼憲史漫畫《黃昏流星群》：二零一八年富士日劇版講佐佐木藏之介人到半百卻事業家庭失意，但他卻不甘被推至一邊屈結而終，就算你罵美化婚外情，但佢就自信主旨點都為人生臨終也要發出光耀；《殺出個黃昏》卻係講出死念卻被嚇一嚇收返，即使到尾搵到延續，卻就係要靠睇唔起的年輕而非夠彊自我論斷排除死念，故臨尾安在露台看的只限夕陽。你話都係落下，但夕陽係循例，看得多就平平無奇；流星卻係罕見，落下才是耀眼一刻。
沒有留言:
張貼留言